壽比南山

2008年5月31日有雨，本來約咗早上8:30am喺元朗西鐡站集合，但因為自己早咗到，所以就搵咗間酒樓嘆返個早茶，好彩豬腸粉同老點都臨時加入，等我不至於孤軍作戰，但係依個時候，老師竟然打電話比我，話佢唔記得拎回鄉証，要折返屋企拎返先再蒲頭，我地唯有推遲小小時間就返老師啦，最終我地一行六人準時10:30am喺深圳灣出發，用40蚊人仔包咗部車去大南山北面ge登山口，正所謂貴人出路招風雨，我地一落車未行夠百步，個天就落雨落到好似倒水咁，沿路上到頂都係一條行車路，再加上今日個天氣，乜嘢都冇得睇，花咗一個鐘，我地就到達大南山山頂 ge GPS基準站同觀境台  (335m)，依度仲有小賣部供應冰凍飲品，小休過後，我地就經另一邊ge山徑下降到南邊 ge 登山口，沿路以梯級為主，而且每隔一小段就有一個涼亭同石刻，最終我地13:40am落到海上世界，行咗兩三個字先搵到平靚正ge地方落腳食飯，經過一輪商討後，由於能見度低 ge關係，我決定更改餘下行程，由本來安排上小南山改為轉走赤灣左炮台，下午15:30am，當我地踏出飯店不久，看見有一間軍用店鋪，我就提意他們不如入去shopping吓，結果大家都滿載而歸 (鞋 / 衫 / 手套)，振興過經濟之後，我地就轉坐公車，再步行前往山上ge赤灣左炮台，參觀過後，由於仲有時間，於是我提意步行多半個鐘再加遊宋少帝陵，經大家一致通過，我地就玩埋今日最後一站，約黃昏18:00am，我地先坐大巴出南油再轉另一大巴返回深圳灣過關返黎元朗食晚飯。

我地今日係大陸ge消費只係每人35蚊人仔，最後又要突別多謝老點宴請大家食咗隻片皮鴨，都要成舊水人仔架，多謝多謝。