![泰燒遙的相片 - 尖沙咀)]()
星期六, 本來不需上班, 但突發有大客到港, 公司全人類j都是standby, 連樓上的"大國國民"也無例外, 大國國民, 當然就是講普通話的普通人... 離開公司時, 大家都照常到最近的食街"諾士佛臺"找食... 每次聽到普通人講廣東話去"諾士佛臺"食嘢, 就笑唔停了...
![泰燒遙的相片 - 尖沙咀)]()
近排又有普通話與廣東話對決新聞, 香港人企係廣東話這邊是常識吧.... 同事談起這話題, 當然少不免又講吓國語人講廣東話的笑話吧..., 她隨即問了一句, 甚麼是"法國爆炸電油"?.... 比10秒你想一想.............................., 呢個唔難估....係"發個報價電郵"... 至於.... 問女侍應"
睡覺一晚多少錢?(水餃一蜿多少錢?) 和"你有無生庤瘡?" (你有冇散紙唱?), 則聽得太多次, 唔好笑了...
![泰燒遙的相片 - 尖沙咀)]()
下午茶包括了一杯凍飲, 要了青檸梳打, 夠凍.... 夠酸....還有...夠甜....好夠甜...唔適合有糖尿病潛在風險的人士.... 我應該有.... 哈哈
![泰燒遙的相片 - 尖沙咀)]()
泰式下午茶, 學英式派頭, 維多利亞式下午茶的三層架, 最底層的是泰式燒烤, 燒虎蝦, 燒豬頸肉, 串燒包括雞、豬各一, 二入份量, 以下午茶來說, 剛好. 中層的是泰式沙律, 有泰式辣鳳爪, 鮮蝦柚子沙律, 青芒果軟殼蟹沙律, 頭兩款都是我最愛, 尤其是鮮蝦柚子, 份量再多, 我也可以消滅, 而"軟殼蟹"這類型生物, 非我所好, 總覺得人家脫殼期間, 打攪人家不太好吧... 哈哈...
![泰燒遙的相片 - 尖沙咀)]()
最上層的甜品拼盤, 不理三七廿一, 必定先取"椰汁西米糕", 冰涼口感, 椰奶香甜, 清新氣息, 來多一件可以嗎...? 香芒椰汁糯米飯, 軟糯的糯米飯, 全世界都無泰國人咁有創意, 鹹甜的糯米飯竟可以兩用, 淋上香滑椰漿, 與酸甜芒果互相交織, 重點係"酸甜", 而唔係消甜....嘻嘻... 而椰青糕則送給友人吧...lol..
![泰燒遙的相片 - 尖沙咀)]()
============================================
感謝 oasiswong 提供以上資料
oasiswong 的網誌: http://www.openrice.com/zh/gourmet/reviews.htm?userid=85184&city=hongkong
============================================
