12月31日(星期四)~大馬好友(小寶+細表)..最後一日行程
朝早都等佢地瞓到自然醒~12點check out後直接係酒店會合
再同佢地食地道魚蛋粉~香港好多以"香港仔xx魚蛋粉"掛名
單係荃灣都多的是! 所以搵左間食開又最好味既同佢地試
老闆點魚片頭河..我要雲吞麵~再叫炸魚皮+2碟油菜(蠔油上)
細表似乎望住餐牌有"選擇障礙症"~唯有幫幫佢手..問佢想食咩
佢最主要想食幼麵~咁我話一個揀幼麵..另一個就試下魚麵
小寶要"雲吞麵"~魚片頭好正..所以叫細表點"魚片頭魚麵"
仲有飲品..凍奶茶, 熱鴛鴦, 凍檸茶~我唔飲..等晏d先再飲
佢地食完話好食+鐘意個炸魚皮(聽佢地講左幾次~咁應該真係好鐘意食呢)
![]()
食完..四圍行下~同佢地去路德圍掃下街
問佢地食唔食豆腐花..佢地話唔食~咁食"芝士吐司"啦
因為我都勁想食..不過超邪惡囉! 下次要拉baby笠食(哈哈)
同樣..點左個組合"開心首選(regular)"
![]()
上次自己食..無咁多藍色芝士~今次d芝士又係勁rich
老闆唔食架! 所以我地三個share一件..正到呢!
![]()
食完芝士吐司~慢慢行返去"荃新天地 - BienBistro"
等到3點食tea..邊食邊傾~點左4個tea set.."抹茶芝士蛋糕"
![]()
"英式熱香蕉布甸(伴拖肥汁)"
細表問"咩係肥汁?" 笑鬼死我! 因為佢睇漏左"拖"字(係拖肥汁)
隻香蕉好正..面層係脆脆焦糖
![]()
muffin..乾濕度適中口感軟軟~仲充滿香蕉味
![]()
加少少肥汁(哈哈)~拖肥汁唔太突出..但都食到香甜味
![]()
"澳洲鮮草莓蛋白酥餅"
![]()
蛋白酥餅好鬆脆~伴芒果醬&草莓醬幾香甜~但甜度略高
另外..一粒粒果d係肉桂脆脆
![]()
"蘋果卷配冧酒汁"
![]()
酥皮乾身薄脆~餡料卷上蘋果粒,葡萄乾..仲有肉桂粉味
冧酒汁帶點雲哩拿奶香..唔太甜亦唔太突出
![]()
餐飲..熱咖啡(x2), 老闆要daily drink"熱蘋果茶"
![]()
細表另點"passion fruit tea"~我覺得依間d甜品都唔錯
傾下食下..老闆話最遲16:45要走~仲幫佢地計定班次
話返酒店攞埋行李差不多~oh..都未傾夠~就話夠鐘要走
臨走送佢地坐車..再hug hug細表~真係好唔捨得!
果刻感覺同我係2011年..大家係KL機場分離既感覺一樣
話咁快.."世紀相聚。探親6天之旅"完結了
希望好快可以再相聚呢^^
![]()
小寶+細表買左地道手信比我地~全部都好合心意
![]()
未有時間整"椰漿飯"~但已經將一包"江魚仔"放湯食晒lu
![]()
仲有..好有心思既禮物
![]()
之前係citysuper已經想買曼特寧咖啡~但一盒份量好多
唔sure岩唔岩自己口味~咁岩細表就送比我試(簡直不可思議)
![]()
原本早幾日已經想試~但要享受陪佢地既時間
飲咖啡我鐘意悠閒..慢慢品嚐~都係等佢地走左先飲
1月2日(星期六)~係屋企煮早餐..可以享受咖啡
![]()
好香濃好好味! 絕對岩飲
![]()
手造香皂..太貼心了! 借花敬佛..送細果2件比媽咪用^^
![]()
baby笠行山果日..送左包"芝士餅"比我~我問做咩買比我?
原來佢以為我未食過依款! 我話食過啦! (anyway..多謝你呀笠 33)
![]()
行山果陣..baby笠買既其中一款"榛子威化夾餅"
本身我勁鐘意食榛子食物~雖然依款好甜..但好好味
於是baby笠見一排仲有幾塊剩~又送埋比我
我話要等最苦悶既時間食~因為最苦悶食甜野係最正(哈哈)
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
