荃灣。譽江南飯店

1月2日(星期六)~依日無出去食早餐

特登留係屋企整奄列~同埋..想試大馬好友送既咖啡

食緊早餐果陣..老闆話連續2日都係屋企打邊爐喎

依晚陪我食pizza啦(yeah! 超勁開心)~下午自由活動..佢瞓晏覺

我就快手寫埋幾篇世紀相聚blog先~因為要最有記憶時寫晒

費事出走完返黎寫..感覺可能又唔一樣+驚唔記得部份畫面

差不多4點幾~老闆瞓醒話近近地食~但食pizza我想出九龍ma

咁即係食唔到pizza啦! 唉..算囉! 反正"譽江南"都想試好耐

就決定晚餐..近近地去依間食~食店係大鴻輝中心21樓

我指定要坐卡檯~因為可以飽覽高空景觀呢^^


食店環境好舒適~地方又夠寬敞~食物價錢唔貴

同埋..雖然食江南菜~但都有素食套餐~我同老闆講

同佢家人做節可以考慮依間~因為大姑奶食全素

唔好次次都揀泰菜~我想就下大姑奶岩食既食物ma

"雞汁白靈菇扒時菜"($78)



白菜仔保持爽脆~菇好入味..醬汁底突出惹味



特價優惠小菜(四揀一)~"蜜汁火舫"($68/4件)



火腿唔鹹..蜜糖甜味幾重~肉質似食豬肉乾但好軟腍

蓮子口感粉糯~黏上蜜糖同食..味道唔錯



軟包子質感軟綿綿~夾火腿同吃無淨食咁膩..同埋多份層次



"水煮桂花魚"($168)



桂花魚唔係原條..份量比預期少~但魚肉好新鮮嫩滑

汁底濃郁..第一口無料到~其後越食越麻..辣度ok



配料有大豆芽, 寬粉



"鮮肉鍋貼"($36/3隻)



豬肉餡料嫩..帶少許湯汁~餃皮厚薄適中~煎得香口

整體食物水準好唔錯~服務都ok(茶$10/位..總消費:$407)

人流比下層食店少好多~又可以坐得好舒服..無催趕

============================================

感謝 Yanomi 提供以上資料

Yanomi的網誌: http://www.yanomichung.blogspot.hk//

============================================