哈!

已經是第二次來造棟大廈, 銅鑼灣的小型銀座式商廈, 前身是3層高舊樓, 樂聲牌公司07年用八千萬買入, 09年後便1億8千萬沽出, 兩年貨仔, 嘜都唔使做, 淨賺了一億... 買家是澳門公司,  購入後重建至現在模樣. 

樓高22層, 每層大約二千呎, 租金大約十萬, 這店要了兩層, 上面的一層, 還有一個大型長身露台, 廿多萬租值, 地鋪也有不少選擇喎.... 當然, 做生意既嘢.... 我都係識條鐵... 哈哈...

出電梯, 回過看, 子供...無料... 帶理細路嚟食....好抵喎..

主打岩石燒烤, 把串燒或海鮮放在岩石上燒, 據聞 (我都係睇佢地個餐牌介紹) 岩石加熱後, 可達370度喎... 咁熱有咩用?? 據聞(都係睇介紹咋...)可以及時鎖住肉汁, 又可迫出多餘油份, 還有, 就是火力平均, 保持溫度, 食物不易燒得焦黑.... 犀利啩! .....lol...

超無聊的人...如我, 由底向上拍了幅抽風機照片, 十足似餐廳廚房的抽風系統, 強勁, 食完後保證不會全身都是燒烤味道.

三色調味料: 杯身無說明, 試過後, 估計....應該係: 蜜糖、燒汁、和甜醬油....好似係, 味道不算濃烈, 縱使塗了食物上來燒烤, 也不太覺得蓋過原始味道.

主角未上場, 先來一小碗冷麵, 還加了一點蟹籽和墨魚粒, 頂頂肚餓, 剛好, 然後慢慢燒, 慢慢食.

燒烤配啤酒...是常識吧... 至於是否Kirin...則見仁見智吧...

和牛海鮮盛, 屬另加錢食物, 只是額外八十元, 今晚心情好, 大爺我...豪比你, 無問題, 哈哈... 包括了澳洲和牛串、六頭大連鮑魚、虎蝦及翡翠螺.

把它們放在燒架的熱岩石上, 釘蓋, 然後....等...等...等... 三分鐘...

店員隨即放上一個計時器.... 我們全力監察, 聚精會神地看著那隻....我係香港十蚊店和淘寶都無見過有得買的...計時器, 心情和胃酸都不其然地受到很大的壓力.... 

餐牌上寫著"六頭大連鮑魚"... 用刀义來品嘗..是常識吧... 講起鮮鮑, 據說.... 南非貨, 鮮味濃, 肉厚軟, 澳洲貨, 則肉味淡, 鮮甜不足, 而大連鮑則介乎兩者之間, 但有一特點, 就是煮後體積縮小一半..... "味道" or "份量"... that's is the question...... 哈哈哈...  這件大連貨, 切開了厚身的幾片, 入口的彈牙和鮮度, 恕我只能意會, 未能說明.... 

燒雛雞, 也即是燒春雞, 這隻雛雞燒得是否好味, 不是我們談論的焦點, 反而...友人講起日本的"雛雞性別鑑定師", 稱得為"師", 當然是專業人員吧... 例如, 律師、會計師、工程師...., 這個日本職業, 雛雞性別鑑定師的月薪, 大約也有50萬日元, 就是每天要鑑定一萬五千隻小雞的性別, 然後放入不同的箱盒中, 是好工與否??? 就算我係日本人, 也與我無緣, 因為只有25歲以下, 才可以參加考試... 無錯! 你無聽錯(應該係..你無睇錯), 就是: 雛雞性別鑑定師專業試! 用手指按下小雞屁股, 手抓加眼看, "尖尖"是公雞, "平平"是母雞, 日本人做嘢, 一絲不苟, 準確率是98%-99%.

唔知點解...., 講完一論雞屁股有關的笑話後, 心情更佳, 更加肚餓, 食欲大增...  哈哈....

============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong

============================================