牙齒 ~ 16個月大 6 隻牙仔

攝影師們成日都話都怕影小朋友 ~~ 百分百同意.  呢攝牙仔相就影左 2 日, 真係有笑有淚的.  我的動作一定唔夠佢快, 試過幾經辛苦氹到佢 "抺" 大個口, 但拎起相機扲掣, 佢已經合返埋或者影到矇茶茶.

其實, 呢個 blog 的誕生都係因為儍媽媽冇記性, 連家姐 3 年前的成長細節都已經唔係好記得, 細佬的點滴當然唔可以再錯過, 第一步就係牙齒記錄. 

細佬自少唔鍾意飲奶奶, 成日只飲 13 安奶, 點會長肉, 又輕磅, 連醫生都話要轉介睇營養師, 好彩到 6 個月大鍾意食糊仔, 至可以谷返肥, 傻媽媽至放心.  (工人姐姐都放心哂, 她試過因為細佬唔食奶喊, 仲問我佢係咪唔鍾意佢喎!)

細佬同家姐一樣, 9 個月大至長第一隻牙仔, 但絶對冇影響佢食野的能力. 而家 16 個月得 6 隻牙仔咋.

家姐就醒目, 自己 "抺" 大口, 唔洗好似細佬咁 ....