大家可能冇估到, 我剛剛又去了一回台灣 !
今回又係只去了兩天, 第一天還好没怎麼下雨, 第二天卻雨下個不停, 根本不能走到街上去 … …
這次去台灣, 行程似乎有點預計之外, 不過冇乜所謂, 反正我都係過去放下假 ~
行程中到訪了幾個夜市 / 市場, 倒算是去看一下台灣地道點的生活.
最近兩次去台灣, 航班都延遲了, 結果去到台北都已接近半夜.
還好我尚算熟門路, 即使未能購得電話卡, 没有網絡也可以順利去到我近來幾次都入住的中山意舍酒店 check in (
半夜的寧夏夜市有點冷清, 而且不少的攤檔都在陸續收檔.
肚子不算太餓, 那就先點每回到夜市必吃的鹵味 !
相中這家的鹵味不錯,鴨腎 / 脆腸 / 雞脾菇 味道都不錯 ~
鴨舌就要一排咁買, 賣相有點恐佈, 但不夠一班人半夜坐在酒店 common area 吃鴨舌來得嚇人 … …
還有台灣的鹽酥雞 … 明知唔健康, 但次次去到都要食 !
烤台灣腸仔, 要食就不要想太多了, 不過這家未算最好味 ~
蚵煎 – 幾年前曾吃過, 不過今回的味道似乎不及以前, 應該冇下次 ~
這家曾記鮮果汁, 我們一致推介, 真材實料, 即點才即榨, 睇住佢切開個菠蘿 ~
一杯鳳梨芭樂汁, 係會飲到飽肚 !
我成日想去台北食冰, 但原來食冰都要睇運數.
今回 … 我真係食唔落 … 唯有睇住又痴下人地碗燒仙草冰 …
不過有人吃完之後肚痾, 係個人虛, 定店內的冰唔乾淨, 咁就真係唔清楚啦 ~
早餐, 原本想吃酒店附近的牛肉麵, 可惜一係未開門, 一係就執鬼埋 !
結果行下行下, 來到民生西路某小巷中, 我們找到了吃早餐的好地方.
這家建國肉焿, 除了肉焿麵外, 反而那個乾麵超好吃, 麻醬麵也很香, 而且還有一個頗有特色的潤餅, 一大早便吃得飽飽了 !
這個雙連文昌宮旁的傳統市場, 絕對是我們的意外景點, 不過卻又是最想去逛的 !
呢家文昌宮唔知係咪好靈架呢, 非常的人山人海喎 !?
基本上這裡的食品大多都是自家出品, 我們吃了一份很當造的蕃薯, 又甜又香, 是在香港少找到的 !
水果 ! 台灣的幾款水果, 我都超愛吃 !!
密棗, 蓮霧 以及 芭樂, 又鮮又甜, 真係次次都要買黎食 !!
有空間, 我地仲想帶埋番 HK 添呀 ~~
迪化街 … 又係很多年前的某個農曆新年, 我曾經到訪過這個只是期間限定的年貨大街 !
HK 人來得到這裡, 一定是為了江記華隆的豬肉紙.
不知是因為越來越受歡迎的關係, 還是年近新年, 朋友說平常是不用排隊的.
結果我們也不用排隊, 因為這個星期六下午, 豬肉紙全賣光了 !!
因此, 還是早起的鳥兒有蟲吃哦 ~
迪化街有很多特色小店, 有傳統的海味年貨店, 也有新進駐的個性小店, 不過一律貨品價格不便宜.
有點遊客區的格局, 逛逛倒也無妨 ~
由於要一大早去迪化街買豬肉紙, 早餐也在附近吃了.
蛋餅, 台灣人地道早餐, 間間都咁上下, 還是最愛吃肉鬆口味 !
(上回係台南吃到三杯雞口味, 至今仍然難忘 !)
曾經讀過數篇台灣人遊記, 介紹這個南機場夜市, 以為會很不錯, 結果 … 講真有點失望.
我每次去台北, 都打算去一個未曾到訪過的夜市, 今回這個則是主打吃的, 如果要逛街就真係冇乜好行 !
這裡有兩大名物, 可惜這天實在吃太多了, 來到夜市也不怎麼吃得下 …
結果只吃到好味炸雞扒, 卻没機會嚐到蒸臭豆腐啦 ~
我們路經一家餃子店, 見到店員在即場包餃, 我估會真係好好味, 不過今回無緣吃下肚了.
朋友想買台灣香腸, 台灣朋友開車送我們去南門市場, 這裡是一個兩層樓高的貨市場.
這裡是本地人也會來購物的, 不過格區及價格就似中環區的街市的定位 … …
市場勝在貨品齊存, 如果想買手信, 這裡也是個不錯的地方, 而且也有售很多小食 / 熟食, 有機會要再去一回買來吃 ~
南門市場 Webpage : http://www.nanmenmarket.org.tw/
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
