![]() |
| 歌唱表演,有一年見女警又唱又跳 |
![]() |
| 電車路 |
![]() |
| 越南民族服飾表演 |
![]() |
| 鮮搾庶汁每杯2元 |
![]() |
| 越南小食,下層是糕上層加蛋 |
![]() |
| 曰式小食 |
![]() |
| 日式小食 |
![]() |
| 收費5澳元 |
尋日小女叫我載她去我家附近的一個區叫 FOOTSCRAY ,離我家大約10公里, 唐人叫此區做富士貴,此區比較多越南人聚居,有好多越南餐廳同雜貨店,也有幾間中式酒樓,每年過農曆新年,越南人亦是同我們一樣過農歷年,大概前一個星期天都有一個類似香港的年宵,不同的是在白天舉行,通常早上10時多至晚上10時,跟著餘興就是放煙花,將附近的幾條街道和電車路暫時封閉,呢度冇年花賣,街道兩旁的攤檔多是賣小食,賣玩具禮品,亦有免費歌唱表演,付費機動遊戲和幸運抽獎,吸引好多遊人前來,最旺時人頭湧湧,水洩不通.
唔係好記得,大約六至七年前呢區的市議會為佐增加收入,美其名為改善交通,不理街道上的商戶反對,裝閉路監控馬路上停車上落客,違例罰欸60元正,免費停車場安裝收費錶,有次我停車在橫街放下老妻去買燒肉,轉個圈回來接她,點知個多星期後收到告票,話我在此區違例上落客,多謝60元,真係好嬲,十多年來相安無事,又不是在大街,只停在橫街窄巷咁都罰,只好以後唔再去呢區買燒肉咯,好多商戶大受影響,生意也差多,好多商戶將投票讚成呢個議案的區議員玉照貼在店的玻璃上,叫人認住呢幾位議員,下次不要投他們票,後來所有商戸聯同會館罷攪呢個元宵,此區變為死區,門前冷清,好多居民醒覺,最後用選票趕走冇用的議員,所有監控又拆除,停車場又變回免費,民主法治投票最大作用就是小數服從多數.
============================================
感謝 wai 提供以上資料
wai的網誌: http://ngwai.blogspot.hk/
============================================
