0

超級無敵估生字

敗家媽媽 於 2016-02-01 00:00:00 發表  |  累積瀏覽 479

分類:
夜晚有時得我同小齊o係屋企, 

咁我去沖涼o既時間我會叫佢不如畫下畫, 或者睇下書, 

有時小齊會拎 D 繪本睇下, 

叫做開始自己睇書唔駛我 "人肉發聲"

因為咁, 原來會製造好多笑料...搞到我好開心~

(真係要鼓勵小朋友自己睇書, 嘩哈哈!!)





雖然我同佢睇英文書多, 但叫佢自己揀書睇佢多數揀中文書, 

遇到有d 唔識o既字佢就會o係 bathroom 門口大聲問我, 

咁我沖緊涼又點答你呢?!

於是我地就發展左一種"佢讀我猜"o既估中文字遊戲~

以下就係我地曾經有o既對話: (括號代表佢讀呢個音)

"好似個(童/同)字咁, 但就點點橫刪, 另一邊就好似個(到)字果邊,  咁係咩字呢?"


 "有個字呢, 就Q絲邊, 一橫, 跟住有D(箍)咁o既, 最尾係(公/工), 咁係咩字呢?" 


"就好似個(和/禾)字但有個(北)o既兩邊咁, 係咩字呢??"


點解好似 IQ題咁咖?!

以上呢d 係其中一部份我猜不到o既字....

開估果下先發現原來佢形容得咁CREATIVE

"好似個(童/同)字咁, 但就點點橫刪, 另一邊就好似個(到)字果邊,  咁係咩字呢?"

呢題原來算易, 係我自己諗錯方向先諗唔到, 原來係:




 "有個字呢, 就Q絲邊, 一橫, 跟住有D(箍)咁o既, 最尾係(公/工), 咁係咩字呢?" 

呢題真係R爆頭, 我聽佢話有 D"箍" 我真係諗極都諗唔到咩叫有 D "箍"?!!

直至佢指呢個字比我睇:



我真係忍唔住笑... XD XD

原來佢講緊日文呢個字 "く"  (音ku)

好好笑呀救命...


最後一個我估大家都估到係個"乘" 字!

我承認我真係估唔到, 要叫小齊拎比我睇先知佢講咩



雖然聽落好似好搞笑, 但其實唔係ONLY得啖笑

須知道中文難學難精, 結構複雜, 筆劃筆順對小朋友o黎講都幾難咖,

通過咁樣玩玩下, 小朋友"用自己方式" 記/認一d原本唔識o既字,

形容一下佢對生字o既睇法係點,

對認字同寫字的確有d 幫助!

而最最最重要係過程中大家都覺得好開心, 就算學唔到新o野都起碼有餐笑!


============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 408718

全部攻略 629

全部回應 44