![]()
|
|
19266-18115=1151
|
我朋友來的前一天,即本月4日,我放工回家後沽了一手即月期指19266 ,第二天下午我去機場接我朋友時,當日港股已經下跌,我同朋友講沽呢手期指有200幾點賺,朋友即時同我講快 d 賺佐先啦,我話等過埋年先,佢話期指唔同股票,如果個市升番咪冇得賺見財化水? 對的若果港股红盤高開,確實見财化水,但我有信心港股依家是熊市,不過我勢估唔到外圍大跌,港股猴年冇紅盤仲跌成千二點,我差不多低位平倉,執佐一千一百多點,總算發佐些少新年財.
我好少係呢度講炒股炒期指,因為我不想招惹一些無謂的人前來,反正香港有成千上萬打正財經旗號的博客,大把叻人,大把臥虎藏龍,我實在渺少微不足道,想起我香港另外一位舊同學,他炒股也炒了20多年,可惜心理質素差,升又驚時跌又怕,而且多是跟講股佬财經博客的貼士炒賣,只賺蝇頭小利,仲驚走唔切,股海浮浮沉沉得個桔,每次我返香港見他時,他多次同我講賺夠一家人的機票就來我這裡玩,可惜20多年從未賺夠一家人的機票.
============================================
感謝 wai 提供以上資料
wai的網誌: http://ngwai.blogspot.hk/
============================================
