好耐冇 update 行山體驗，都係時候更新啦。
今次行的地方有一到以前曾經黎過，就係鶴嘴石河啦 (詳：鶴咀石河：黑漆漆的可怕體驗)。
個次探洞就好辛苦，而且好危險，係我經驗上最最最危險的一次！
今次唔咁激啦，睇風景重好，難得香港咁好天！
參考難度：★★☆☆☆☆
所需時間：約三小時
是日路線：
![]()
整條路線上下落差不大，同埋大部份係石屎路，所以好岩新手行。
![]()
沿著海邊行風景甚佳。
![]()
行一陣就到石河，不過唔入去啦。
![]()
網上大家都會講的路標。
![]()
越行就越開揚，好耐冇咁好藍天。
![]()
藍天碧海，非常美好。
![]()
入到鶴嘴海岸保護區，記得珍惜同保護大自然。
![]()
呢個雷音洞係景點黎嫁，海浪湧入黎呢個洞口，水點一滴滴打落面到，好舒服，睇相係感受唔到現場個氣勢！
![]()
落雷音洞要少少攀爬。
![]()
保護區魚骨。
![]()
呢條骨唔知用黎做咩。
![]()
係個好似叫蟹洞，你睇唔睇到先？
![]()
有人爬左上去，好大風有一定危險性，唔好亂爬啦。
![]()
鶴嘴盡頭。
![]()
重有個燈塔，不過我覺得冇咩特別。
![]()
附近重有個機堡，不過我冇去到，就咁啦。
*是次旅程為筆者個人體驗，所提供之資訊及路線僅供參考，請勿依賴，謝謝！
===============================================
感謝 二八小隊 提供以上資料
二八小隊的網誌: http://28voyager.blogspot.hk/
===============================================
