對於冇期去外國過聖誕既我哋!
媽咪喺網上睇到D教學可以喺屋企DIY雪嚟玩!
所以買齊材料試吓喺屋企試試佢
材料只需梳打粉2杯、鹽1湯匙、洗潔精1茶匙、水8湯匙
唔駛講次序, 總之將所有嘢撈埋一齊就攪掂!
望落去個樣真係幾似雪! 都呃到人吓
不過摸上手就冇特別, 似濕濕軟軟既泥膠
不過佢哋兩個已經玩得好開心...唔捨得收嘢!
最後哥哥砌咗隻雪人
用佢喺樹林度執既樹枝做雪人既手臂
但係佢兩條手臂就長到....
跟住佢再砌咗棵聖誕樹!
材料簡單又容易整, 大家不妨閒時在家中試玩吓!
============================================
感謝 呀劍萬帥 提供以上資料
呀劍萬帥的網誌: http://kimfamilytravel.blogspot.hk/
============================================
