消失左成個星期,攪乜鬼??唉~~~~~講返大家知啦
星期日,朝早同悠悠去食早餐,
跟住去買野時,悠悠無啦啦嘔喎...
之後有朋友仔上尼屋企整聖誕曲奇,
本來一心係諗住同埋悠悠,三個齊齊玩既,
但整左一陣,悠悠就話要落返廳座...
跟住...佢仲係梳化瞓咗...
個吓其實我真係好心痛,因為佢有小小唔舒服,
但我要陪朋友仔整餅,所以無照顧到佢..
到左黃昏時段,悠悠醒咗,就開始話好想嘔....
但朋友仔既餅又未完成喎...
幸好老公收工返尼,即叫佢同悠悠出去睇醫生先啦
跟住朋友仔攪掂都啦啦林走人..
我就出去搵佢地去食粥做晚餐算了
到咗星期一,我請左假照顧悠悠
一早同佢去左大快活食個通粉
行到半路,個豬仔話比我知佢賴左小小VV
我就去左附近買條褲比佢換啦
點知換褲時,發現原來佢係賴左小小bubu...
嚇得我....
跟住食左兩啖通粉,佢又話想嘔,
我就拎定膠袋出尼,又比止嘔藥佢食啦
見佢又話好餓,但又想嘔,真係好慘...
到咗夜晚,煮好晚飯,煮左粥比悠悠食
佢食咗幾啖又開始話肚痛,想嘔
明明岩岩先食左肚痛止嘔藥架..點解咁架..
見佢面都青埋咁...唯有去急症...
去到急症,分流後等左一個鐘見醫生
醫生叫我地去照X光..
跟住再去等左一個鐘,照X光
悠悠都好勇敢,自己一個瞓係冷冰冰床上面,都無扭計
跟住再等等等...姑娘叫我地入去,塞左一粒藥去悠悠petpet到
食左一支藥..跟住話等45分鐘....
又等等等...跟住入去飲葡萄糖水
悠悠話好難飲既,得咸味..
跟住醫生姑娘齊齊尼氹佢飲..
佢地真係好好人呢...
攪左三個幾鐘,拎兩支藥水走人...
好攰呀....悠悠病一病..我真係身心疲累極了!!!
