0

巴塞隆納睇波*西班牙2016 (Day 1- Barcelona)

小地勤點滴 於 2016-02-21 14:45:40 發表  |  累積瀏覽 4834

分類:長線旅遊 ;地區:歐洲

17.01.2016


輕鬆的歐洲之行 , 目的地係西班牙兩大城市 - 巴塞隆納及馬德里 .


球迷的世界係小地勤想像唔到的瘋狂 . 係巴塞隆納只見到巴塞球隊既專門店 , 相反係馬德里亦只見到皇馬既專門店 .


係香港 , 老公已經講明要係魯營球場睇波 , 仲講到係佢人生中必要做既一件事 , 只可惜搵唔到買飛既方法 . 估唔到一出巴塞機場關口 , 就有巴塞專門店 , 即時買到晚上既門票 . 貴價飛當然買唔起亦唔輪到我地咁遲買 . 


職員好好 , 幫我地兩個人選了中價位的平飛 , 位置亦很好 , 之後再講 .


星期日的西班牙 , 名店 , 商場都唔開 . 人生路不熟 , 又功課沒做好 . 我兩手拖手向球場進發 . 足足由酒店行左個半鐘先到魯營 . 點解我地唔坐車 , 原因係無所事事到可以慢慢行過去 .沿路影下相 , 睇下野 , 好輕鬆 .

 

遇見很多小食店 , 價錢仲要好平 . 其實係西班牙食飯 , 唔貴 . 最後成個行程都唔洗係依種小店食平飯 .


沿路見到一間沒開的中國餐廳 , 有時食得西餐多 , 都會想食下中餐 . 


星期日的街上人影都唔多個 . 因為去左做禮拜 , 所以教堂都沒開 ( 門外偷看 ). 從前 , 我很喜歡到出名的教堂參觀 , 但近來喜歡到這種小小的教堂感受氣氛 . 沒遊客 , 感覺很真實 .


第一次到歐洲的老公 , 起初對雕滿花的樓房不停拍照 , 到中途已看到麻木了 .


行到午餐時間 , 都仲有三分二既路先到今日既目的地 . 我地隨便係一間餐廳坐低食午餐 , 順便認識一下物價 . 其實覺得香港仲貴 . 係依到 10 歐一餐 , 可多選擇 . 唯一覺得飲料比較貴 , 一般都 3 歐以上 .


餐廳多數有室內同室外 , 西班牙的天氣比其他歐洲地方算和暖 . 有陽光的時候 , 氣暖有時 20 幾度 . 再加上室外都有暖氣 , 所以坐下室外都唔錯 , 好有風味 .


第一餐的西班牙飯 , 唔太 OK . 後來食到的都比依餐美味同平 !


球賽晚上八點幾先開始 , 但我地慢慢行兼食埋午餐 , 四點就到 . 外圍有很多小販店賣精品.


有賽事的日子 , 球場博物館唔會開放參觀 . 老實講廿十幾歐跟團參觀球場 , 我不如比六十幾歐黎睇場波 , 感受下 . 有些平飛先賣三十幾 , 四十歐 , 點計都係睇賽事咁入場參觀著數 .


球場外圍已經好熱鬧 , 我地圍住個外圍行左半圈 , 都花左半個鐘 . 怪唔之得依個球場既評價咁高 . 真係好大 , 亦幾多野睇 !


我地去左專門店逛 , 有好幾層 , 內裡被遊客休息既座位設計到好似睇波既座位咁 .


見到好多大朋友買到停唔到手 , 小朋友就喊住唔肯走 . 而我老公當然同小朋友一樣懶死唔走 , 樣樣都話買 ... ... 香水都唔放過 ... ...


小地勤無眼睇 , 自己四圍去影下相 .


買完一轉 , 終於可以離開專門店 , 一心諗住坐係 Cafe 飲杯咖啡既我 , 結果又陪老公去整金幣 , 依個魯營球場真係好邪惡 .


一行出外圍 , 見到好多人圍住條馬路 , 應該有球星到 , 見到好幾架車駛入黎 , 球迷就熱烈地歡呼 . 再一次覺得依個世界原來可以咁瘋狂 .

 

行左好奈先黎到 18 號閘口 , 等到差唔多八點 , 佢先放人入去 .


仲要過保安險查 , 先準入場 .


個球場真係好大好大 , 草地好靚 , 令人不停咁影相 .


我地坐到好前排 , 幾好 . 睇得好清楚 .


當晚差唔多有八萬人入場睇依場賽事 . 巴塞隆納 vs 畢爾包 .


睇完依場賽事 , 小地勤對睇波算有少少認識 . 巴塞一出場 , 球場既人係到唱歌 , 連我老公都識唱幾句 . 到畢爾包就大家都唔出聲 . 主場原來咁重要 .


全程小地勤正係重覆聽到 " wasa ... ... " . 老公話個位平靚正 , 上半場 , 畢爾包龍門就係正我地前面 , 巴塞係咁攻過黎 , 好快就已經 3 比 0 , 之後就 4 比 0 , 5 比 0 ... 小地勤真係 O 曬嘴 , 畢爾包有無咁差 !?

 

老公不停話好抵睇 , 開場無奈 , 畢爾包個龍門就被罰出場 , 之後又 12 碼 , 又美斯射角球 ... 我老公係我旁白 . 每次美斯一攻過黎 , 所有人都企起身為佢打氣 . 攻左幾次 , 我終於影到張相 !


到下半場 , 根本巴塞都懶得再攻 . 小地勤下半場 , 正係見到巴塞個龍門無所事事咁 , 悶到佢係到跳下跳下 . 最後仲加時比賽 , 結果 6 比 0 ... ...


全日見得最多人既一刻就係散場時 , 突然成條街都係人 ... 晚上 , 無餐廳開 . 星期日就係咁 ! 好彩我有自備幾包麵 , 否則星期日既西班牙係會餓死人的 .
鐘意SeeWide的分享,給我們一個Like吧!
  • 攻略日期:N/A
    攻略地點:歐洲
  • 攻略時間:N/A
    是次消費:N/A
0人比"掂"
  • 林公子 於2016-02-22 04:34:48 留言
    去歐洲帶麵真係必須~

    原來你睇左6-0個場,抵到爆啦

    仲要咁近距離
    入場睇係睇氣氛,其實唔夠電視咁清楚踢緊乜
  • 舉報 回覆
  • No.1
  • 小地勤點滴 於2016-02-22 07:21:09 留言
    原文由 林公子 於 2016-02-22 04:34:48 發表
    去歐洲帶麵真係必須~

    原來你睇左6-0個場,抵到爆啦

    仲要咁近距離
    入場睇係睇氣氛,其實唔夠電視咁清楚踢緊乜
    D 啦啦隊喊足全程,仲玩人浪,的確好有氣氛
  • 舉報 回覆
  • No.2
  • 1874飛飛 於2016-02-28 19:17:09 留言
    在外有時真的想吃早國野, 不過唔係咁易食到好食, 或者好鬼貴
  • 舉報 回覆
  • No.3
  • 小地勤點滴 於2016-02-28 20:15:18 留言
    原文由 1874飛飛 於 2016-02-28 19:17:09 發表
    在外有時真的想吃早國野, 不過唔係咁易食到好食, 或者好鬼貴
    係呀,通常都唔好食,自從買左個mini cooker後,每次歐洲之行都唔再食唔飽,都食好
  • 舉報 回覆
  • No.4

最多能輸入300字

累積瀏覽 447631

全部攻略 710

全部回應 4283