聖家族教堂附近*西班牙2016 (Day 2- Barcelona Part 1)

18.01.2016

每天無十點幾都出唔到門口 , 無行程要趕的感覺 - 爽 !

黎到巴塞隆納 , 老公都要行酒舖 .

星期一 , 西班牙終於有返生氣 . 見到好多買火腿同食海鮮飯的店 . 行程尾聲 , 我地亦幫襯左食間店買左好多火腿 .

酒店後幾條街就係好出名既聖家族教堂 , 我地只係出面影相同到精品店買紀念品留念 . 很多朋友都話 , 難得黎到都唔入去參觀下 , 老實講 , 小地勤對要比入場費的教堂興趣不大 .不過旅是會建議大家去睇一下 . 入場費約 14 歐元一位 .

 

無論任何一個角度都係要半跪係到先影得曬 . 四圍都仲興建緊 . 點睇都覺得好密麻麻 , 一堆堆 . 沒有一個空白位罝 , 要完成依個教堂 , 真係好難 .

圍住依間教堂繞左一圈 , 影左幾張相 , 就已經覺得悶 .

係公園遠衰地跟大教堂影張合照 , 就去買紀念品 .

官方精品店貴 , 但比較精緻 . 小地勤買唔起 , 行了一圈 , 最後幫襯出面的老翻店 . 買了磁石跟掛飾 . 唔買都影張相留念 .

冬天的歐洲 , 天黑得很快 ! 趁住有日光就要加快腳步 . 奇怪建築隨處可見 . 依個建築門外排長龍 , 一睇就知道係出名 , 其實就係教堂附近 , 行過去不用 20 分鐘 .

之後就行返酒店 , 休息了一會 , 再出發 . 我地望住張地圖 , 完全搵唔到有興趣想去既地方 , 所以決定向住海邊亂行.

黎到一條大道 , 歐洲既馬路又直又寬敞 . 

唔知係邊到見過話巴塞隆納有好多飲水機 , 所以就有留意下 .

街邊的小店 , 擺設好吸引 . 賣麵包的小地勤 .

無論日本或歐洲 , 老公都搵到買 Hot Toys 的地方 . 真係要比個服未佢 !

紅色的凱旋門 . 

一直手拖手 , 漫無目的咁行到盡頭 .

之後轉個彎 , 入左小橫街探險 , 迷失於西班牙的小橫街 , 很興奮 ! 隨便一間店都大過我同你 .

其實我都好想買 , 但好似無我 Size . 我有望過價錢 , 每對唔同價 , 約 300 幾蚊港幣 , 比我平日香港買的娃娃鞋平百幾蚊 .

  

有好多南亞人開的精品店 , 勝在平 ! 而歐洲老店就勝在精緻 . 

 

很有古典氣息的橫街窄巷 , 真的很歐洲 .

 

係澳門亦有類似建築 , 但歐洲的就係充滿住古舊的味道 .

 

發現一個水中的馬槽 , 好精緻 , 令我地停下腳步睇左好奈 .