告白 (Confessions)

由森里於 2010-11-11 21:12:59 發表 | 累積瀏覽 882

分類：影評

告白 (Confessions)

導演:   中島哲也
主演:   松隆子,岡田將生,木村佳乃
片長:   107分鐘
日期:   2010-10-14

在學期結業當天，女教師森口悠子在課室向學生們宣告一個驚人消息：她辭任教師一職，原因是數月前在學校泳池溺斃的4歲女兒；愛美的死不是意外，是被班房內的學生殺死！
森口不點名指出兩名兇手：少年犯A和少年犯B，她不打算採取任何法律行動，因為她計劃教導兇手知道生命可貴。她將帶有愛滋病毒的血液注入牛奶給兩名疑犯飲用…

睇戲前小插曲

原本呢套約了朋友上星期日看 ﹐ 不過朋友臨時唔得閒 ﹐ 又唔知幾時有時間 ﹐ 怕落畫呢 ﹐ 所星期六學完小提琴就出了又一城的 AMC 睇 la, wakaka , 睇早場只係 $35, 同正價 $60 真係差好遠 @@ 上完堂未夠 10點 ﹐ 去左圖書館還書睇雜誌 :P 睇到十一點就去搭火車 ﹐ 因為拎住個小提琴關係 ﹐ 所以都會選擇可以出入果種閘 (即係冇中間果舊機關 XDD) ﹐ 因為見好多人出閘 ﹐ 所以我就企係閘的側邊 ﹐ 諗住等 D人過左先 ﹐ 點知職員問我 ﹐ 係唔係要過 ﹐ 要過就唔好係側邊等啦 ﹐ 因為佢話 D人唔會讓 ga @_@'' 要走埋果閘前 ﹐ 佢話你咁企 ﹐ 幾分鐘都過唔到 @@ 咁誇張 ..... 哈哈 ﹐ 大家讓出入都快啦 ﹐ 不過大多數人都唔理 ﹐ 最緊要快, 就好似地鐵火車到站 (特別係總站 ) 總係入閘果 D人衝入去搶位 U_U''' 給到站的人落了才入去都未遲呢 ... 其實咁仲快 ﹐ 又少 D碰撞 la @@

出到去又一城 ﹐ 撞 o岩都 fashion show 的採排 ﹐ 以前我都喜歡影 ga ,wakaka 不過自從 o靚模浸佔 model 界就沒有太大興趣 ﹐ 從前的 model, 身型高 ﹐ 有自信 ﹐ 行出來的貓步絕對係受過嚴格訓練才有的表現呢 ﹐ 而且著出來的衫好靚 ﹐ 影出來的相感覺似時裝書入面的相呢 ﹐ 現在差好遠啦 ......

離開場還有十五 min, 估唔到只買到第四行 @@ 平飛果真係好吸引 ﹐ 最後連第二行都有錯。

電影感想 :

列為三級 ﹐ 初時以為血腥 ﹐ 原來係意識上 ﹐ 這樣比單純的暴力血腥來得有深遠影響力呢 @@ 因為最令人驚慌係思想精神上的折磨。

套戲用了灰調 ﹐ 給人印像係陰沉 ﹐ 一路看心情持續沉重 ﹐ 套戲講出了不少日本社會現像 ﹐ 首先係十三歲以下的青年 ﹐ 無論犯任何罪都不用受太嚴重的懲罰 ﹐ 可能只是感化 ﹐ 究竟係保護還是縱容呢?﹐ 其實無論多大 ﹐ 做錯事都應付責任哦, 加上現在的小朋友咁早熟。過份保護又出現了一班怪獸家長 =_=‘’ 呢班家長永遠都會認為自己的仔女係乖 (就連殺死人都唔覺得有錯 ﹐ 好恐得人驚 @_@‘’ )﹐ 仔女係學校做錯事又好 ﹐ 成績唔好 ﹐ 所以責任都係學校老師 ﹐ 其它同學 ﹐ 總之就係歪理合法化。令外就係學校入面的欺凌校園暴力 , 就係因為現在的小朋友過份給溺愛 ﹐ 大多都係自我中心 ﹐ 關愛體諒人的心 ﹐ 加上小朋友的心靈其實好脆弱的 ﹐ 欺凌的出現就係因為大多人都怕給別的人欺凌﹐ 正所為先下手為強 ﹐ 心理學角度看 ﹐ 自我價值越低 ﹐ 越冇自信的就會採用這種自我保護的錯誤方法。因為有一個給大家欺凌﹐ 自己就保持安全呢 , 又因為價值觀歪曲 ﹐ 總希望在別人身上證明自己的存在價值﹐ 所以一錯再錯。

最初女主角松隆子的告白﹐ 已導出殺害她的女兒的兇手為班中的學生﹐ 因為少年保護法關係 ﹐ 所以女主角決定用自己的方法去教導這兩個兇手﹐ 要佢地真正去面對生命的珍貴 ﹐ 由帶有愛滋病毒的血液注入牛奶給兩個學生後 ﹐ 一幕又一幕心靈上精神上的折磨﹐ 確係令大家透不過氣呢 ﹐ 故事中還用了每一個角色的告白 (兩個兇手﹐ 兇手的家長 ﹐ 老師與同學 ) 完完整整把整件事情與作者想給大家反思的問問一一導出 :)

套戲雖然用了誇張的方法去表達﹐ 不過絕對係反應現實的問題﹐    松隆子﹐ 兩個小演員都演得好好 ﹐ 沒有冷場 ﹐ 音樂與誇張式的慢鏡令全套生色不少。

鐘意SeeWide的分享，給我們一個Like吧！