7 郊遊大灘至海下

好耐冇在夏天行過山了, 今日屎忽痕同R小姐去郊遊行西貢大灘, 由於呢段路十幾年冇行過, 所以搭巴士唔記得點落車, 直去咗總站黄石碼頭! 搞到要倒後行番兩個車站先到入口. 初初開始行時天陰陰幾咁爽, 但不久就出猛太陽, 熱到飛起, 我重咩住部大相機在頸上, 汗濕夾背, 終於頂唔順要收番埋部大相機入背包了, 只用儍瓜機影吧! 行了三分二路程, 發覺自己不停地出汗, 面色通紅, 而且有大力的心跳聲, 此時我便發覺身體有點難以支持, 於是便找樹陰休息一會, 本來諗住同R小姐在夏天行山, 一定把她熱得叫救命, 但點知她的忍耐力還比我好, 首先要休息的竟是我, 所以不要睇小女人吧! 休息過後行埋嗰三分一路程, 去到海下路段, 路面較平, 而且有人工石路, 好行得多, 用了數十分鐘便行到終點, 之後便到小巴總站乘七號車到西貢市中心食晚飯, 晚飯食完, 出門口才發覺狂風大雨, 我同R小姐都在想, 好彩不是行山時下大雨, 否則便大鑊了!