攻略日期：2013-10-27
是次消費：每人平均約HK$ 200.00
早幾日前睇Blog，見到個Blog友去了欣澳釣魚，而且魚穫都唔錯，令我心癢癢又想釣魚，咁啱個Blog又俾R小姐見到，話嗰度風景都唔錯，重想陪我去釣魚添，於事乎一拍即合，兩條友就在週日去嗰度釣魚喇。由於R小姐只是第二次跟我釣魚，因此乜都唔識，所以由零開始教他啲釣具點用，由開竿到綁魚絲，再由勾魚餌到釣魚的方法，一一教過晒，好彩她都有啲小聰明，學了兩三次都開始上手，她就有得釣喇，輪到我開竿釣魚，初初我就用浮波釣的，諗住水漲浮波跟水流走中魚機會大啲，但釣釣吓愈釣愈多人來釣，搞到個浮波一啲位都冇得走，激鬼氣轉玩打沉底，但玩咗一陣就發覺海底好多石，勾石勾到暈，想轉位又唔得，因為那時侯已成個海岸都有人在釣魚！唯有勾石都釣落去啦，終於釣咗半日到了天黑都係得個吉，反而R小姐重釣到四條魚仔，今次真係老貓燒鬚！
