攻略日期：2013-11-17
是次消費：每人平均約HK$ 120.00
上次去欣澳釣魚零收獲，搞到冇晒心機，見今日大流又同R小姐再去碰碰運氣，十二點幾去到，已經水退了，開竿後釣了個零鐘頭都係得條坑廉，不過都算啦，因為其實我只是等三點水漲那時刻吧。到了水漲了，啲水流番晒嚟，但很奇怪，甚麼動靜也沒有，幾經辛苦我才釣到條紅衫魚，但都只是一條，R小姐直情一條都冇，心想沒有理由吧，明明啲流咁靚，點會冇魚架，釣到六點鐘個天黑晒，唯有走人，行行吓望向海岸邊，見到有隻艇開了燈射住個海，原來喺度收網呀~賤人！原來隻艇一早放了魚網在海裡，唔怪得咁少魚釣啦，做乜要俾我見到呢個情景呢？見唔到咪當自己唔好運咪算囉，現在俾我見到就嬲到我瞓唔着啦！
