Simple homemade Christmas dinner :)

岩岩過完既聖誕節~我只係同Mr.R係屋企普普通通食餐屋企飯*

因為K小姐實在唔鍾意大時大節出街食飯同人迫... 

Simple is the BEST!!! 

整左個小食：【炸腐皮蝦卷】(有粒樣衰心形蝦丸架…) HAHA!!

其實呢個係清雪櫃而整出黎既餸... 哈哈哈!! 我見雪櫃仲有d虎蝦, 就打D蝦膠啦~~

又見有d腐竹, 就膽粗粗試下包住D蝦膠炸左佢~~

用淨左dd蝦膠, 我就炸左粒心形蝦丸~~haha!! 

我知... 平時人地用腐皮卷果D腐皮...唔係用腐竹丫ma....

但係奈何我真係好想用左d腐竹....

woooo.... 整左出黎出奇地好好味!!~ 好脆!!!

外層係好似打邊爐果d "響鈴" 咁架... 真係唔錯.. (下次打邊爐又有新野~哈哈*)

**** 點解相入面得幾條<炸腐皮蝦卷>??因為有人偷偷地食左好多囉.........

主菜：咸淡蛋蒸肉餅、清炒菜心苗、五指毛桃螺片竹絲雞湯~

呢幾樣野, 已經令我地好飽喇.. 

講下個湯先... 【五指毛桃螺片竹絲雞湯】

係勁好飲呀!!! 2個人...飲晒成煲~~~~~~~~ 

材料:五拍毛桃, 合掌瓜, 螺片, 竹絲雞, 雪耳, 陳皮, 雪耳, 南北杏.... 

煲左3個鐘~~ 夠晒味!!!

做法:

1. 所有材料略為浸洗~

2. 竹絲雞汆水, (平時d雞我會去皮先煲, 但係竹絲雞就唔需要, 因為佢地油脂唔多, 煲出黎既湯係一d都唔肥架..)

3. 合掌爪切塊~

4. 凍水落所有材料. 大火滾起後, 轉中細火煲3個鐘~~~加ddddd鹽~咁就飲得喇!!!!

煲湯千萬唔好加咁多鹽.. 一個咁靚既湯~唔好比d鹽蓋過本身既鮮甜味~~~同埋食咁鹹都唔好啦~~

呢個湯又加左螺片~滋補一下~係一家大細都岩飲既湯水~~

**五指毛桃既功效真係好多~

性質溫和, 而且煲出黎有淡淡既椰子味~~好香好好飲.. 

對健脾補肺,化濕行氣, 化痰....對咳嗽有一定作用架~~ 

但係買五指毛桃就去相熟店鋪比較好, 因為有人為左防蟲用硫磺熏d五指毛桃..

硫磺本身係有毒性.. 買既時候要小心呀~~

有人問, 咁點解唔用平時d雞~要用竹絲雞呀???

因為竹絲雞係比較滋補, 又無咁油既... 

平時d雞油浮係湯面, 你會見到好似一毫子咁大塊黃色既雞油..

而竹絲雞既油脂無咁多, 而且細好多.. 唔好油淋淋咁~~ 

無呃你~你試過就知架喇~

你地可以去facebook搵我啦~ 

http://www.facebook.com/kpigkitchen