新年假之前已經知道要整個吊飾賀 KV 50周年,
(點解啱啱整完校慶 LOGO又要整吊飾?!)
雖然新年冇乜功課, 但人總係推得就推,
拜年加旅行匆匆連假都放完但完全未整過吊飾,
阿女又開始催我開壇, 我都 1516 今次整唔整好呢...
(我地班都有人話今次偷懶唔整)
開得 POST大家都知道我最後都有整,
趕到今日 (deadline 前一日)交
今次真係辛苦我, 我整左 9成, 阿女1成左右啦
我衰, 我應該早 d 開始整多 d 時間等佢幫手,
開左學變返 3樣功課剩唔多時間,
10點我又要趕佢上床瞓覺所以佢想幫手我都唔比
我整左兩晚, 佢只係幫到手貼下貼紙同做我助手拎o野掉o野...
整吊飾真係唔知整個咩樣o既好, 諗整咩都諗好耐,
wreath 我又整過, 太深果D模型我又唔識整,
上網睇人地d blog見到幾個都幾啱心水, 我搵 d唔太難 handle到o既
HOT AIR BALLOON! 就佢啦 ~
首上先GOOGLE搵個啱用o既熱氣球 template
今次要用 5張 12" x 12" o既背景紙
用呢d 背景紙有個好大o既好處, 就係佢地本身靚,
是但推推砌砌整埋一 pat 個效果都唔會太差
背景紙係雙面
CUT 出 8 - 10個 BALLOON SHAPES, 我CUT左10個
對摺然後跟個上面個BLOG教咁貼起佢
等乾, 第一晚到此為止~
第二晚主力做 D 裝飾同整埋個吊籃,
搵左D LACE出o黎打個氣球一圈先
打一圈可以幫助固定中間o的紙o既位, 唔會迫埋一邊
吊籃我懶懶地搵現成, 用呢個盒斬件
包返外圍, ok!
裝飾我都係用屋企買落o既 chip board, 貼紙...
Chipboard 我都係搵返 Botanical Tea, 一定容易襯
同小齊一齊揀左呢幾個做 DECOR , 配埋都唔錯,
貼紙佢就最鍾意~
再用 Botanical Tea 背景紙剪幾朵花出o黎~
全部用Glue Gun貼上個氣球,
(一定要用Glue Gun, 膠水唔夠力)
見個吊籃咁 DRY 我整個小齊坐入去, 拎住支花送比學校啦 HEHE~
最後貼埋D 蝴蝶, 綁絲帶就大功告成!
因為屋企材料較多, 拼拼湊湊咁都幾快手搞掂,
效果都唔錯, 我自己都幾喜歡~
有貨交!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
