2月6日(星期六)~計計下..應該係上年11月果陣
Baby笠話搵日4個人食團年飯~但約幾次都夾唔到時間
前2日諗起老闆星期六off..應該ok~不過問左baby笠+小奧先
就算食唔到團年飯..飲茶當團年都唔錯~加上我同baby笠..
都想比老闆見識下~之前我地既馬拉松茶聚(4.5hrs)有幾爽(哈哈)
不過佢成日笑我地~話做我地生意好慘~消費少又坐得耐
大佬! 2個女人仔食得幾多~我地至在吹水多過食架ma
所以先後同baby笠..向佢大反擊(哈哈)
* * * * * * * * * *
whatsapp問左baby笠+小奧話ok~岩晒! 因為前一日整左糕
諗住佢地得閒飲茶..就拎d糕比佢地試~不過要拎返屋企先
有冰袋都唔想係室溫留太耐~所以地點約近佢地屋企附近飲
依日約左12點..小奧好早已經攞左位~我又遲左出門..
終於遲左15分鐘~真係唔好意思! 要小奧一早搵位又要等
去到大家傾幾句~又麻煩小奧..拎d糕返屋企雪左先
之後我同老闆係酒樓坐住等~好快..小奧返到酒樓
baby笠收工又趕到~"馬拉松團年茶聚"正式開始(嘩哈哈)
* * * * * * * * * *
剔點心果陣..老闆話炒粉麵飯食~baby笠反應大到呢
2個你一句我一句~我同老闆講..baby笠飲茶係食點心
午茶好少叫小菜/粉麵飯~因為覺得依d係晚飯先食
![]()
入左部份點心食住先~食完再叫..一來可以預份量
二來..d點心又夠熱~baby笠話平時好少食雞腳
我叫佢點啦! 小奧唔食..我地一齊食
![]()
最攪笑..剔點心果陣~老闆問baby笠 & 小奧想食咩?
佢地話無所謂~咁老闆話食xx? baby笠即刻話唔好xxx
小奧即刻一臉無奈..爆佢大鑊~笑鬼死我地(哈哈)
![]()
依日小奧攞到張卡檯座~好正! 坐得又舒服~野食都ok
![]()
老闆獨享既"碗仔翅"
係喎! 無問佢地食唔食..就拎左黎獨食(哈)
![]()
第一輪點心食晒..竟然開始肚餓~baby笠都係喎
再點第2輪點心~講講下..終於點左個炒飯~好味但食唔晒
![]()
估唔到4個人超勁多野傾~有時4個一齊傾
有時就我同baby笠傾~小奧同老闆傾
![]()
傾傾下..無啦啦又講鬼故(哈)~好似係老闆講先架
佢話半夜去洗手間~會提升自己最高能量(等無野埋身喎)
可能我成日同佢講屋企有野~仲形容埋比佢聽
不過無攪我..我唔會理囉~同埋唔係成日係樹
叫佢唔駛驚..不過我知老闆應該係驚驚地既(哈哈)
之後提起大馬好友小寶比鬼咬頭果單野..我真係仲驚緊
![]()
人多飲茶..我最鐘意叫"炸魷魚鬆"~勁like
![]()
baby笠個姨甥女去酒樓搵佢地~傾左陣姨甥女就走lu
平時聽佢講得多~第一次見..真係感覺好乖女
![]()
飲到4點酒樓差不多落場~侍應叫埋左張單先
聽到小奧話..咁快? 仲以為2點幾(=飲得好開心啦)
不過飲得2個幾鐘~真係傾唔夠! 下次要黎個全馬吹水
之後佢地送我地坐地鐵~送埋到閘口就分手
原本諗住去又一城行+食埋pizza當晚餐..就返屋企
老闆又話無咩想行..我仲好飽~最終決定返屋企先
前一日行左維園花市~依晚夜d先出去行荃灣花市
baby笠送左盒禮物~小奧又送左d茶葉(太客氣..多謝晒呀)
因為稻香d茶無咁香ma~所以一聞就覺得好香
原來係小奧既私伙茶~佢返屋企..順便包d送比我地呢
![]()
baby笠又太客氣~無啦啦買盒禮比我..話我係長輩(哈哈)
我知..梗係唔好意思! 見我送糕比佢地就真(傻笠..唔駛架)
不過新年到依家不停清野食~早幾日先得閒品嚐
原來係朱古力puff~用奶油做餡..都幾甜!
![]()
差不多8點..出去行花市~七條街..有六條賣花/桔
第七行先得一邊賣乾品/食品~行人通道又唔夠大
行行下..以為右邊個男人係老闆~想伸隻手撓住佢
好在望真d咋! 搵返老闆即刻同佢講"嚇死我..差d撓錯人"
佢話..撓錯個男人都無蝕啦~我話..但佢老婆係後面喎
![]()
好快行完..不過已經9點幾~想食刀削麵又勁多人排隊
最終走去食拉麵~食完就散步返屋企lu
![]()
============================================
感謝 Yanomi 提供以上資料
Yanomi的網誌: http://www.yanomichung.blogspot.hk//
============================================
[ 今日講咩 ]
