早幾日因為某d 原因, 由柑爸第一次接柑B放學。
第2 天早上, 柑B番學時就要求自己揹書包。
因為柑B好細粒, 所以好多時都係大人幫佢揹, 所以我真係有少少驚訝。
我: 你自己揹呀?
柑B: 係呀, 大個仔, 男子漢, 我自己揹!
柑爸: 佢琴日放學都自己揹~
柑B咁主動我當然欣然接受。
我事後問柑爸: 你唔覺得個書包好重? (因為果日有4本書)
柑爸: 我無諗過係咁重 (平淡)
自此之後柑B 都係自己揹書包。(只係有時太多書, 我地會抽起少少書先)
雖然我自問不是什麼怪獸家長, 不過對於有D 事又真係擔心得太多。
又怕書包重, 又怕同背脊唔好etc …
或者, 其實我一早可以放手~
希望在柑爸教導下, 柑B也可以成為小小男子漢 ^_^
============================================
感謝 宅柑愛扮靚 提供以上資料
宅柑愛扮靚的網誌: http://kimbb2012.blogspot.hk/
============================================
