探險家攻略 > 城中探秘 / 旅遊 > 特色景點 / 古蹟 / 其他 / 長線旅遊 > 高雄。六合夜市﹑打狗英國領事館

高雄。六合夜市﹑打狗英國領事館

由平凡人於 2016-02-27 07:05:43 發表 | 累積瀏覽 539

分類：長線旅遊特色景點古蹟其他；地區：高雄

< 台南﹑阿里山﹑高雄5天遊 >

第四天（續）

旅程第四日夜晚，由台南坐車返高雄


售票處人唔多，不過頭先餐廳職員話星期日夜晚呢個時間會好多人搭車，因為大家都會係呢個時候返屋企

我朋友都要坐車返高雄屋企，一齊等區間車


預定早到既自強號遲到35分鐘，區間車反而冇遲，咁仲好可以早啲上車



夜晚10點45分去到高雄車站



由火車站行出黎有種特別感覺：「我返到城市啦！」台南都算係一個大城市，不過台南環境咁悠閒冇咩城市感覺，係高雄呢道終於見返好多高樓大廈



一出黎就有地鐵站，坐地鐵去美麗島站；咁夜地鐵人唔多，唔似香港幾時都係咁多人



美麗島站光之穹頂，就算熄左一半燈都係咁靚


呢個站都叫係大站，上面又係六合夜市，不過都係靜英英



一出地鐵站就係六合夜市，11點幾人流唔多行得好舒服；六合夜市同台南花園夜市好唔同，呢道係一條好長既街



呢道都有度小月？

好多地方都見到賣蚵仔煎（我唔食架）

皮蛋瘦肉粥都有



今晚住既「雲端精緻旅館」係六合夜市旁邊，先去check in放低背囊



呢間酒店好抵住，大約NT$350一晚，房間好新好精緻


香港三腳插頭都用到，又有220V插座，差電好方便

大電視可以變成電腦架

水喉水可以直接飲用？我就唔敢


呢間酒店張床好舒服，攤到12點幾先彈起身，再次落去六合夜市行行，由酒店行去夜市只要一兩分鐘就到



咁夜都仲有好多攤檔開門，但遊人就少好多

係台南打完邊爐仲好飽，行黎行去睇左好耐都覺得冇野想食，但一場黎到都搵個地方坐低，揀左間清淡一啲既水餃檔

食個水餃就當係六合夜市食過野


六合夜市咁長行起黎冇台南花園夜市咁方便，食物方面都冇花園夜市咁豐富，行個圈都唔見有咩想食，而且呢道好多旅客，成條街都係香港人，台灣本地人都唔想黎呢道行lu，我都係鐘意花園夜市



第五天

去到旅程最後一日，8點半起身準備出發；呢間酒店咁平都包左早餐，咁緊係食左先走；時間都唔係早，餐廳竟然冇人，咁奇怪既？

我知點解冇人啦，睇啲野食就知
呢道冇咩野食揀，我諗最正常就係炒麵...影相時有個阿姐叫我唔好影相，我都收埋相機乖乖地唔影啦...呢間酒店除左呢個早餐之外其他野都好好，或者佢整個三文治比我食會更開心

呢條係咩街？佢就係六合夜市條街啦，估到ma？

萄京？

朝早既美麗島站都係冇咩人



坐地鐵去到西子灣站，呢道人更少；由2號出口出來就見到有部小巴，佢就係我要搭既車啦，即刻跳上車



坐到去中山大學門口落車，呢道係正海邊，對出係一望無際既大海，好多人係海邊散步，只係今日陽光實在太好，我想搵棵樹檔太陽多過行海邊



黎呢道既目的就係佢啦，想去「打狗英國領事館」；「打狗」呢兩個字係奇怪啲，佢係高雄既古名

首先要行上一個大約30米高既小山丘



一上到黎竟然係見到間廟先


居高臨下



買飛入埸，NT$66

熟悉既紅色郵筒

打狗英國領事館文化園區分兩個部份，山上同山下，山上呢座紅色建築係領事官邸



山上景觀超好，可以見到成個高雄港口



今日陽光好夠，但空氣就差左啲，想睇遠啲都唔得


山上領使官邸同山下領使館有山路連接；突然係講播聽到11點有導賞活動，但到左11點都搵唔到開始地方，問職員先知導賞係山下，要即刻衝落去



見到堆人啦

導賞活動已經開始左，呢位導賞員講野好有趣架

而家呢座建築物係廁所，不過以前係好重要既建築黎架，但我唔記得左係咩...有好多導賞內容已經唔係好記得，為免講錯都係唔講太多



呢個都唔記得係咩



呢個又唔記得



當年華人未見過西方醫術，見到西方醫病方法都覺得好驚訝


開頭我以為係真報紙（傻豬左），聽聽下先知原來係用報紙形式將歷史介紹，呢個方法又幾有趣，導賞員仲左好多自己同台灣既事，包括家人點解會由大陸去左台灣，台灣之後發生咩事等等，由台灣人口中聽到台灣歷史，比起睇書真實好多

今日黎領使館參觀既人唔多，一齊聽導賞講解到最後就只有另外幾位黎自寧波既遊客，開頭佢地都無咩野，到最後係呢道係咁X英國，導賞員都費事理佢；完左導賞行程導賞員行黎問我明唔明內容同有無野想知，佢超好人架



正門有幾個公仔



行完下面又行返上山睇下先



山上官邸有小小歷資料展出



呢道都係一間餐廳，可以食到英式afternoon tea

外面仲有個茶座



係上面四圍行下睇下風景



遺跡？

最衰今日空氣唔好，都見唔到遠野



行返落去正門離開；門口旁邊有間士多，坐低食返枝雪糕抖下涼



沿住港口邊行，幾分鐘就去到鼓山漁港



鼓山漁港



過埋條橋就係鼓山碼頭，由呢道坐船就可以去到對岸旗津半島



由鼓山坐船去旗津只係幾分鐘船程，開頭都冇諗住去旗津，因為旗津出名食海鮮但我又唔食，見旗津咁近都順路去睇睇啦