皇馬球場食午餐*馬德里一日遊*西班牙2016 (Day 4- Madrid Part 1)

20.01.2016

鬥牛係西班牙既傳統活動 , 可惜一月份係無鬥牛比賽睇既 .

依座建築跟羅馬鬥獸場既外型差唔多同 , 好多個出口 , 目的方便入場同可以快速疏散人群 .

 

小地勤覺得依個鬥牛場既設計好似帶點中東色彩 . 唔知大家有無同感 ?

其實我一心諗住可以有機會睇鬥牛 , 只可惜冬天係無賽事 . 但我都有上網搜集過資料 , 最平既位置 , 當然係山頂位 , 只賣 3-4 歐一位 . 如果有機會 , 都想入場感受一下氣氛 , 不過聽聞好殘忍 , 所以坐山頂位睇唔清 , 係最好選擇 !

小地勤圍住佢行左半圈 , 發現一間小小博物館 , 職員話免費參觀 . 其實西班牙大部份博物館都唔準係裡面影相 , 相機係門口就被職員收起代為保管 .

 

參觀完小小博物館 , 睇左好多件鬥牛勇士既靚衫同武器 , 仲有一隻隻牛頭裝飾 , 的確有點殘忍 . 之後係外圍再影下相 , 就離開 .

 

留係馬德里四日 , 但都唔知有咩地方可以去 , 所以連皇馬球場我地都唔放過 , 到外圍朝聖一下 .

 

如果閣下係皇馬球迷 , 可以比廿幾歐一入參觀 . 小地勤覺得依個球場對比魯營細好多 .

旁邊有個小商場 , 有餐廳 , 超市同球衣 .

我地決定去餐廳食小小野兼打發過多既時間 .

 

一入門口就要收錢 , 唔食野每位都要收 3 歐 , 所以一定要食野 . 本身想食樓上個早餐 , 但已過了早餐時間 , 所以就每人買左 10 歐 Coupon . 

比左錢 , 就算食唔足 , 都無得找架 , 所以我地每人叫左一個 9.9 歐既 Brunch . 我地兩位都係英語有限公司 , 亂點 !

我誠意推介依間餐廳比唔係皇馬球迷既遊客 , 因為 10 歐包食 , 但又睇到球場 .

對住個咁出名既球場食午餐 , 每人先 10 歐 , 係唔係好抵先 ? 入場參觀要成廿幾歐 , 點計都係食飯抵 , 哈哈 ... ...

 

這是我的伊比利亞火腿火腿炒蛋 . 我老公就叫左一個牛肉漢包 . 每個 Brunch 包餐前同餐後飲品 . 不過餐後飲個杯 , 你唔問佢 , 佢係唔會比你的 .