攻略日期：2016-02-28
從未見過一間Cafe, 全場食客都開懷哈哈笑, 又十足睇麥當娜演唱會一樣, 人人手舞足蹈, 個個周圍跟喵玩遊戲!
今日的喵喵Cafe是阿太訂位的, 我:「間Cafe有成8隻貓架? 如果D貓毛周圍甩, 咁E餐米唔駛食?」, 阿太:「你個囝超鍾意貓喎, 咁你去唔去吖?」
據阿太稱, SY每次經過金魚街的寵物店, 一定要「賞貓」十分鐘. 我半信半疑問SY:「你又話好驚狗嘅?」
SY一邊同貓玩一邊答:「狗好得人驚, 又成日吠, 貓就唔同, 又得意, 又唔會大聲叫, 好乖呀!」
