今日兩隻馬騮家長日，請咗個下晝假去見完老師之後！
聽到老師讚佢哋幾乖，所以就帶佢哋行去近近哋嘅朗豪坊睇Monchhichi
上到四樓廣場，就見到好多好靚嘅Monchhichi公仔！
佢哋兩個即刻飛奔過去攬住佢
因為都未到放工時間，直程每一隻都唔駛排隊就可以任影，仲要影極唔走都冇人理
上面呢個一定係鐵扇公主啦！下面唐僧，豬八戒同沙僧都好攪笑！
豬八戒係叉住隻餃子㗎！
呀芊你真係攪笑，走去篤豬八戒個鼻哥窿！(我番到嚟睇先知)
嚟到呢個影相區叫「聚寶洞」
當然要同孫悟空合照啦！哥哥即刻扮番馬騮咁喺度R痕！
咁多個公仔我最鍾意呢個牛魔王同紅孩兒BB, 仲有全部都拎住個奶咀好正！
![]()
番到嚟呢邊有最大嘅一個影相區，無端端加埋條神龍嘅？究竟係西遊記定係龍珠...哈哈
然後嚟到呢度叫「天宮」，
呢度就係玉王大帝觀音菩薩.......花果山美猴王齊天大聖孫悟空嘅大鬧天宮嗰個「天宮」
玉王大帝俾孫悟空攪到喊哂口
呢個係咪皇后娘娘？
行到去有個暗位見到有棵好靚靚嘅桃花喎！哥哥抱起芊芊去摸吓D桃花
呢個時侯媽咪都嚟埋啦！可以影番張大合照
呢度都有大約4-5位職員喺度看守秩序，一見到有人想企上去公仔D台上面
工作人員就會過嚟阻止，好好的態度同認真，防止Monchhichi被破壞
以為諗住冇嘢影，跟住過到嚟見到有個位置，原來上去8-11樓仲有其他影相地方
只要用手機影完放上instagram hashtag就可以Print番張4R出嚟送俾你
所以我哋就搭嗰條長命扶手電梯先上到8樓
但係真係太黑囉....幾乎用大機冇閃燈就一定咩都影唔到
之後搭錯扶手電梯一上上咗去12樓，不過錯有錯著見到呢個咁靚嘅閃閃城堡就同佢影番張相
之後我哋就逐層行番落去搵吓有冇其他影相區
落到10樓見到呢個咁靚嘅背景，但係覺得好似少咗D嘢咁，原來原先仲有個大大嘅孫悟空放喺度
可能俾人極度破壞所以冇咗，包括身後呢幅壁畫都花哂
我哋邊行邊影，都見到好多得意嘢！因為我實在太耐冇嚟過朗豪坊喇
最後搵到第3同第4個影相區！影埋我哋就行番落去
跟住去番頭先個哥哥度俾佢哋我完成所有步驟，跟住就拎到張4R相啦！
然後佢哋拎埋喺麥記食開心樂園餐換番嚟嘅Monchhichi一齊再影多張相！芊芊夢想成真，見完咁細隻嘅Monchhichi，今日嚟朗豪坊見到呢隻咁大嘅Monchhichi
Photo by CANON 5D Mark III, Len | EF 24-70mm f2.8L USM, iPhone 5s
呀劍評分: 7分
6
[親子旅遊] 旺角 朗豪坊 Monchhichi展覽
朗豪坊 Langham Place
CANDY PARK
G-fit
夢時代購物中心（高雄）
九龍酒店
屯門巿廣場 tmtplaza
馬鞍山廣場
國際金融中心二期