敗家媽媽有時看到日本媽媽做啲便當真係睇到嘩嘩聲,
暗下決心 (...有一日) 我都要做比小齊!!
諗左幾年呢一日卒之嚟到啦!!
用左2個鐘先整左個小規模嘅日式便當比小齊當茶點!!
之前買落幾本便當“參考書”, 覺得好靚呀~
睇見都開心不過驚自己整到成pat嘢中左面目全非腿咁~ 小齊咪會好失望?!
所以第一次整簡單啲好啦~
初試便當內裡有沙律同飯糰
用上呢啲公仔籤,係剛剛今次去日本時買 (其實香港都有不過貴啲啫)
熊貓籤點綴下當堂得意左亦掩蓋左我手工拙劣嘅問題!
所以你話包裝幾重要!
我咁樣簡單整都用成個幾兩個鐘, 啲日本媽媽真係好強!! 日日整仲要天天新款~
如果小齊返小學我自問都冇可能日日整呀!除非我可以練成15分鐘之內搞掂嘅功力啦!!
呢排我都用左熊貓籤籤比小齊拎茶點返學
小齊都算乖食得8899
加上呢排我比多左奶佢飲,
唔知係咪心理作用?!
我覺得佢高(快)左同肥(多)左
等媽媽再努力“曹”肥你!!!
又要諗下有咩係我manage到嘅便當idea先~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================