初探香園圍

2008年12月21日天晴 (冬至)，今日我地ge行程係非常之輕鬆，一行10人早上9:00喺粉嶺坐車入坪洋，原路上都見到d村民喺度燒炮竹，可能今日係做冬ge關係，大家整理好行裝之後，我哋就開始漫步入去品嚐今日ge主菜..........香園圍，而依度將會係未來蓮塘口岸關口ge發展地帶，因為早幾個月前新聞報導邊境禁區的新定界綫在2010年實施後，禁區面積會由約二千八百公頃，縮減至只剩餘四百公頃的保安緩衝地帶，分階段釋出的二千四百公頃土地，相信在未來時間，一定又會大興土木，修橋築路，想要細嚐昔日仍未被污染ge村落，可能只可以在書籍上先可以睇到啦。

經過一輪深度行之後，我地原路返去坪洋醫肚，再行去大埔田村，睇一個有二佰年歷史ge功名碑 (嘉慶戊辰科進士 - 欽取 - 咸安宮教習官蔡學元立)，之後想再潛往鳳凰湖村，但行到半路，見到一個有機士多啤梨園，而且啱啱好係12月至4月ge收成期，所以大家都決定喺度玩一陣，個個係到係咁剪，不過剪剪呀已經唔夠時間再去鳳凰湖村啦，唯有留返下一次啦，跟住就坐車出返去紅磡同另一班山友食飯做冬。

(36) 又返黎依度食嘢，d麵唔錯唔錯。