HK : 快閃露營 @ 西貢浪茄

 

星期五下班後, 今回没有玩閃遊台灣, 反而留守本地, 跟朋友們趕往西貢浪茄, 玩快閃露營 !

收工跟朋友們集合, 大家齊齊帶著架生,往西貢進發 ~

當我們到達東壩之時, 天已全黑, 雖然這兩天雲層密佈, 没想到在東壩卻仍然可以見到一片星空 !!

我們背著大袋細袋, 沿著麥徑走到浪茄, 接著便快手 set 營.

Camping 呢家野, 我真係非常非常耐没有玩過, 我當年起的營係最傳統, 大大個可以訓到成 team 人, 拉繩拉到傻的那種, 而去起朋友的”自私 2 人營” 呢, 真係好簡單.

玩過一次, 就已經有想買營的衝動 …. 我真係要忍手呀 ~~~

 

好快, 我地 2 個營都搞掂了, 仲一人一張私家櫈添架 !

 

 

Set 好營, 接著就要開始煮晚飯.

在等候水滾期間, 我們就 hea 坐在沙灘上, 以下的相片並不是有 UFO 出現, 只是剛好有搜索直升機駛過 …

 

 

晚餐嘛 … 雖說要食材簡單, 卻又要吃得豐富, 我決定要弄出一個部隊鍋來 !!

 

估唔到呢 ?! 仲有甜品架 !!

呢個食譜係網上學番黎架 … 黑朱古力棉花糖夾餅 ~

份量有多, 請埋隔離營的朋友都冇問題 !

隔離營的朋友來自廣東, 非常熱情好玩的一班, 特地請假來港幾天, 打算背著架生來 Camping 之餘, 順道走完全長 100km 的麥徑.

這條麥徑齋行都攰, 仲要背晒架生咁去行, 真係佩服, 佩服 !

今回特別的留意到, 到這裡郊遊的國內客超級多. 我們由浪茄行番出東壩期間遇到的遊人, 8 成是國內客, 看來麥徑 2 段已經出晒名了.

 

好 !  時間不早了, Good Night ~~

我可以一人獨霸這個 2 人營, 聽著海浪聲入睡 ~

 

早上七時, 自然醒過來 … …

定神一看營外, 那伏在營外的黑色一點點, 竟然是蚊子來的 … 真係多得嚇死人了 !!

不過當我打開那 cover, 就可以看到那片長長的沙灘.

 

白天的營地 !

一大清早就可以看海, 這種感覺真係好爽 ~

 

每回來到浪茄都只會匆匆走過, 原來沙灘盡頭還有好風光 !

浪茄, 實在是 Camping 的好地方 ~

 

來吧 ! 晨運完畢, 咁就開爐預備早餐吧 !

主廚呢個位, 當然又係由我出手啦. 可帶的食材有限, 那就來一份已烘底的餐旦治配烤車厘茄 ~

 

好 ! 差不多了, 我們準備要離開營地.

拿著大煲細煲去水位沖洗一下, 原來營地跟水位都有點距離, 還好隊友買了水袋咋 ~

 

背著架生走上回程路, 最難過之處則非上山那段莫屬, 真係行到有點氣喘 ~

我們都有遵守規則, 自己帶走自己製造的垃圾, 實在不想麻煩到來執垃圾的義工們.

 

不經不覺, 又來到吊鐘花盛開的季節 !

粉紅色的小花, 很美 ~

下星期倒想去港島徑走走去看花 !?

 

回程路上的浪茄全景 !

 

回到東壩, 雖然天色不怎麼好, 風景還是很美 !

 

跟牛牛道別, 我們回家去 ~

 

============================================

感謝 漂泊中的魚 提供以上資料

漂泊中的魚的網誌: http://traveling-fish.tixmart.org/

============================================