post 左的文章, 忽然唔見0左, 激死!!!
![]()
女人要買的東西實在太多
衫褲鞋襪, 護膚品, 化妝品全部都係必須品 (仲未計包包)
婚後仲有廚房用品要敗!!
做女時好捨得花錢買護膚品
因為當時覺得一分錢一分貨
但婚後反而唔捨得買咁貴的
覺得買廚房用品仲實際
結果, 廚房成為了全屋最值錢的一個地方
但隨住廚房用品已經添置得七七八八
我開始想將資源放返0係自己身上
護膚品我已用慣了平價貨
Bicelle
用緊的有 B5 洗面, B5 GEL 同面霜
等 B5 GEL 用完會再買佢的 REPAIR ESSENCE
至於化妝品
由於我唔係隻隻粉底都上到
所以用開的就唔會轉
做女時愛用 ARMANI
貪佢夠薄夠貼
但佢愈賣愈貴, 最後只好放棄, 轉用 SOFINA
最近, 用開的粉底就快用完
心CC 想試新0野
(我懷疑聖誕係會令人的購物情緒高漲)
CHANEL 粉底一直都想試
但因為價錢唔平, 而我又怕唔岩我用
所以一直未有踏出第一步
今日放假 (一放假就出事), 同朋友食飯前有少少空檔
咁岩 SOGO COUNTER 又無乜人
於是就拎0左來試
試完後覺得效果幾好
於是食完飯同朋友再去試多次
當時無即刻買, 但行0左一陣後依然想買
所以最後就敗了
粉底 + BASE
BASE 有 35 度防哂, 以後可以慳返買防哂的錢
本來想買紫色, 但化妝小姐話粉紅色好 D (有白裡透紅的效果)
聽日會試用
我希望我會岩用啦
如果唔係就血本無歸!!
