我同蝸牛先生都好鍾意食蜜糖芥末豬鞍
不過 CC SUPER 一塊平均都要七, 八十蚊
我覺得好貴 (但又成日心思思想食)
有日路經公司附近凍肉鋪
見到佢有急凍的豬鞍
價錢只係 CC SUPER 的三份一
於是決定一試
最後我用平時一塊的價錢, 買了三塊!!!!
因為心急即晚就想試
所以我用了最唔應該的解凍方法 --- 用水沖
沖完後塊扒其實已經變得不似扒型, 仲 FEEL 到佢有D "梅梅" 地添
下次, 如果真係會再買的話
我會預早一日放落雪櫃下格解凍
之後就按正常情序咁醃
豬鞍 250G
芥末醬 1 湯 (我用了蜜糖芥末醬)
蜜糖 1.5 湯
鹽 1/4 茶
胡椒, 香草少許
食後感:
我覺得一分錢一分貨
CC SUPER 的肉質真係好好多 (但我懷疑係我的解凍方法影響了肉質)
專登唔同蝸牛先生講係 CHEAP 貨
點知佢話覺得 OK 喎
但...我真係覺得麻麻地
唔通, 係我心理作用?!
我決定下次用返一個正確的解凍方法再試多次
感謝 MrMrsSnail 提供以上資料
個人日誌: http://snailsnailblog.blogspot.hk/
