真係，真係，可愛到一個點。其實我知道不是只有我一個人瘋狂愛自己子女，係天下間全部父母都一樣，分別只是在心中定講出口，其實我有千言萬語的說話都已經好收斂不好意思太放肆寫出來，但大部份人已經覺得我因為他，失去了自己。（oh九個月又切蛋糕….駛唔駛咁幸福。）
其實，我沒有失去自己，而且還擁有全世界。
的確我是犠牲了很大部份的私人時間及娛樂節目，但我個人不認同這等於失去自我，我覺得這叫責任，孩子不是生出來餵飽佢就算，陪伴好重要，相信在職媽媽好明白所以他們多數會在weekend的朋友圈中消失，將自己放假的時間陪伴仔女。我少去幾個event、少去幾個food tasting、少去幾個發佈會，不足掛齒。偶爾收到新產品，抽空試試又寫寫試用；間中有廣告文如題材合適時間許可我又可以接下，廣告文其實稱不上是可觀收入，但都夠買幾包尿片既；還有年底開始有限度復出化妝工作其實都是很多在職媽媽羡慕的喇！只是no more LKF、no more movie、no more不醉無歸而已….我重申，我寫blog不是為了錢，別將我同只會收錢寫文的blogger相比，我是有工作的，we are different。
而我每天，就這樣跟寶寶及一堆玩具一起過。從不覺得浪費時間。金錢，算什麼。（講笑，其實都好重要XD所以日後間唔中見到我有廣告文或者廣告feed，請不必驚訝，仲要記得幫我like下跑跑數。）
在農曆新年前經歷了第二次高燒入院，同樣入住荃灣港安，這次真是要了我的命，我哭了不知多少次，和仔仔一起在醫院渡過了四日三夜。本來想另寫一篇文章大幅詳盡洋蔥分享這次入院的，但不想觸景傷情，就在這個月的成長紀錄blog文輕輕一提。
看到相片人仔細細要種豆真的心痛到一個極點，每天我就這樣連同那條鹽水柱在醫院抱著仔仔渡過，最後確診尿道炎，小便有大腸肝菌，又吊鹽水又食抗生素，連夜高燒，打冷震，又塞肛門藥，又食退燒藥，那段時間佢一見到白衣天使已經喊定先，一放低佢見到我拎金針筒餵藥又喊定先，我好自責好自責好自責好自責…………自問一向好乾淨幫仔仔抹屁屁，又從來不用濕紙巾抹屁屁，只用靚棉花＋暖水，而且只用tempo 紙巾抹乾，醫生說可能唔好彩，我亦責無旁貸，因為全部換片都是經我手，從那開始每次仔仔poo完我都會抹乾淨後再去廁所用花灑沖洗及用沖涼液清潔，如果touchwood再發生，我真的自己撞個頭埋牆算喇，因為可一不可再，我永遠記得那份心痛，看到他的小手被針拮到瘀晒…………嗚嗚，總之跟所有父母的想法一樣，情願受苦的是我…..
（私家住四日三夜，埋單貴過一個月人工，請不必驚訝，小朋友買保險真心重要，燒到41度唔係仲去排政府呀? 床位都無呀！）
返家後再連食十天抗生素，食到腳仔都腫起來，嗚………………….之後的日子就更加注意乾淨，更加悉心照顧jen仔了。不會去連續的活動，不會夜媽媽仲帶佢出街，太人多的地方不去，如果親朋戚友知道他們有丁點兒傷風感冒，我會毫不客氣地不歡迎他們來；仲有傷風感冒未清或者就快好返的，我會毫不客氣地不俾他們抱或者接近佢，兼要帶口罩，唔好話我霸住個仔，唔好話小病貽情，到佢要食藥時陰公豬找誰負責，總之，育兒的事，我自己會好好掌控。
不再食抗生素後生活回到了常規，繼續食固體的日子，更加落足心機同份量去煲粥仔，每天如是，風雨不改。
難得本月份買到了highchair（最後買了GRACO)jen仔終於有私家位置開餐，雖然間中他會餵到一半扭落地….很早之前開始，每餐固體已經是食滿一個0.3L thermos的保暖碗，少少誇張，少少食得，因為蔬菜會出水，所以只會在每餐開餐前先將洗好的菜再切細，然後再另外煲熟再加埋粥仔落去再煲一煲，會更加綿。真心期待可以「我地食乜佢食乜」的階段，咁就出街都唔駛帶粥仔喇，而作為ftm的我，第時亦可以weekdays人少少帶佢青衣城去TEA一TEA。
仲有未識爬的佢，今個月竟然走去學人玩爬行比賽，係全場最細的BB呀！另一場次的bb甚至已經可以行了XD~第一次出席大型活動，表現超水準無喊無扭計，那次是去愉景新城參加3M™ X Baby-Mo Puzzle Mat Program馬拉松大賽，稍後會再另一篇文章詳細紀錄：)
記錄一下九個月的狀況方便自己日後睇返：
飲食方面：
最後送上私藏照，個樣好過癮呀！
jensonbb：「妳影咩jei?」
謝謝收看的你妳你，與我們一起成長，一齊睇住我個仔，長大成人。
不知我這「BB月記」能維持多久呢？
XXXX 待續
1,043 total views, 110 views today
============================================
感謝 小知 提供以上資料
小知的網誌: http://siuchi.hk/
============================================
