好耐冇寫小齊返興趣班嘅事,
今日講下返左幾年嘅日文班,
呢項應該算係我地返得最耐嘅興趣班,
可幸小齊一路都幾喜歡呢個班!
通識班3年級都完左大半, 到6月就會完成,
今年我覺得小齊“講”多左日文,
有時我趁放學喺佢門口聽一陣都會聽到佢同老師啲對答,
比我想像中算放膽講, 呢樣有啲安慰
平時喺屋企佢唔太講日文班嘅嘢我其實唔太知佢進度
差唔多每堂都會做手工, 因為咁小齊幾enjoy上堂 (可能似我, 佢都幾喜歡做手工)
剛剛仲發現學日文嘅一個好處,
就係可以唱卡啦OK 點Frozen嘅主題曲!! (日文版)!!
小齊好開心我搵到比佢唱!
其實佢想唱英文但搵極都搵唔到,
日文版照殺!
日文班會post啲上課實況上facebook比家長睇,
咁我都可以睇下個女上堂搞乜~
唔怪得已經認得晒50音, 原來堂堂都會玩問答
今年日文班嘅同學都係舊相識, 5個女仔一班
課堂秩序睇嚟好好
日文班冇功課唔駛寫乜滯,
相比起中英文每日練小齊啲日文字就比較...
不過算啦冇所謂, 寫得唔靚都冇相干
多得好朋友T 仔媽媽送呢set 練字套裝先比小齊多啲機會練字!
如果你問我呢...我都想比小齊遲啲考下日語能力試嘅, 所以都有必要慢慢練習下寫字,
由N5 一路考上去, (如果考到N1就好啦),
“日本嘅優才計劃”之中 N1 pass = 15分咖~
我知我又諗遠左,
暫時都係睇眼前keep住小齊嘅興趣(去多幾次日本)繼續輕鬆學日文啦!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================