大家樂~二人餐~

見朋友間一直都瘋傳大家樂二人餐既情況

但總係遲遲未敢試.................

由於之前個中秋盤菜中伏....................味道完全唔合全家胃口..............

所以之後對大家樂非主流既食品帶有一定既保留

最後都決定要試一試

$88有雞有意粉，豁出去啦~~~

沙律完全無驚喜

有少量薯仔，但醬太多

多到會覺得自己食梗沙律醬，裡面啲生果薯仔係配料....................

主角雞到啦~~~

呢隻雞就真係有驚喜啦~~~

夠滑，就算係雞胸都唔會粗，唔會過熟

隻脾就更滑啦

味道濃厚適中，香草的味道剛剛好不會太剛烈而覆蓋整隻雞的肉味

配菜薯波同粟米都一般

食完隻雞，肉醬意粉就要留第二日食啦

但係份量就比平日既少一啲

兩個正常食量既人就絶對夠食