![]() |
| 番茄湯底 |
![]() |
| 豬骨湯底 |
尋晚去呢間叫金輝酒樓任食打邊爐,對上一次去已經是五年前的事了,因當時新開張,咪去試下咯,咁巧合今晚坐的檯也是同上次坐的一張,呢間打邊爐每人面前有小一電磁爐,放有一小湯鍋,有幾種湯底任揀,豬骨,番茄,人參雞,麻辣鴛鴦等,所有菜牌上有的食物都任叫任食,只有鮑魚仔限每人一隻,我數過餐牌的食物都有八十幾種,有蝦,帶子,肥牛,鹿肉,羊肉,睇落都幾新鲜,食完又可再叫,每位收費40.8元,午餐就好似平10元,尋晚七時卅分去到,一檯客人都見不到,直至到我們快要走時才見到有五位客人進入,打邊爐生意真係難做.
呢度打邊爐生意同香港剛好相反,想起四年多前我們返香港玩時,朋友請我們一家人到沙田稻香打邊爐,他老婆五點多就去排隊等位等開門,等到有位後再打電話叫我們去,排隊等了個多小時就是為佐打邊爐,我老妻仔女都非常鍾意打邊爐,不過我唔係咁鍾意,食物係咁煮,乜野營養都冇哂,加上又熱焗到成頭汗.
============================================
感謝 wai 提供以上資料
wai的網誌: http://ngwai.blogspot.hk/
============================================
