Hello !
上回講到食完早餐上房執齊晒 Check Out ...
去到停車場 , 雖然晏左小小 , 不過見到當日風和日麗 ,
就在呢度同部車影番輯相 , 當係介紹一下呢部 Nissan Elgrand .
(其實果陣既時機唔係咁適當 , 因為昨日上完高速 ,
攪到污糟辣撻 , 效果唔係咁理想) =_= !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
未開始之前 , 先講解點解會租呢款車 ?
今次由於係雪駕遊 , 自己又係年度司機 , (一年一次)
如果係高手 , 好似 3J家庭 咁 , 就話可以草木皆兵 , 乜車都得 .
我呢類低手 , 就要搵部比較信得過既車 , 而今次並非幫襯Toyota ,
車款選擇多左好多 , t先生介紹既 Forester 與及 Crossover 7 ,
都係唔錯既選擇 , 不過我對七人車比較嚮往 , 感覺上唔打得都睇得 ,
亦都一直想試一試佢 , 所以一於決定租七人車 .
之但係心諗 : 七人車行雪地得唔得架 ? 於是乎上網搵料 ,
睇下有冇相關既資料可以參考 , 結果搵到兩段短片 , 睇完個心定晒 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在 たびらい 都有好幾個選擇 , 好似 : Alphard ~ Elgrand ~ Serena .
當中以前者最貴 , 所以唔會考慮 , 剩番果兩款揀 , 最後決定揀 Elgrand .
因為價錢比較合理之餘 , 外型亦比 Serena 靚仔 , 正式係不二之選呀 .
就係咁 ~ 今次既行程佢就陪伴左我9日 , 租價係 103200 Yen .
介紹完佢之後再講優點 & 缺點 , 老規矩 , 相片排名不分先後 .
先黎軑盤一大個 , 雖然係大車 , 軑盤都好輕 , 我都舞得佢掂 .
左邊倒後鏡 & Carcam線 , 由於左邊冇人坐 ,
所以條線都冇執好佢 , 唔阻自己就算數 .
右邊倒後鏡 .
中間倒後鏡 & Carcam , 就係靠佢影低行車情況 .
水撥 , 落雨 & 落大雪都試過 .
車牌 41-03 .
車尾玻璃貼紙 , 好污糟 . XD
波棍 , 要按粒掣先至可以郁佢 .
咪錶 ~ 自動波車 , 轉數較快DD .
未踩油已經有一格多D , 要黎保持車身移動 , 免得斜路溜後 ,
亦因為係咪都俾住油 , 再加上唔係混能車 , 所以耗油量甚高 .
冷 ~ 暖氣控制板 .
油蓋 & 車頭蓋開關 .
拉開油蓋就係咁 , 車頭蓋冇試到 .
中間 START/STOP 果個掣就係撻車掣 ,
Keyless 唔駛多介紹啦 , 部部車都係一樣咁滯 ,
中間坐位 , 咁樣叫做七人車定係八人車 ?
有勞 t先生解畫 . THX
左邊坐位 , 一條過果部MP3機 ,
海關對佢好有興趣 , 次次入境都要拎去照多次X光 , (今次都唔例外)
你估裡面收埋D武器咩 , 真係小見多怪 . XD
雪鏟 & 掃 , 起初以為用唔著 , 點知尾果幾日大派用場 .
中間位置要黎放雜物 , 水 & USB手指 .
輪到車外 , 圍住佢黎影 . ^^
正面 .
今次派部黑色車都算唔話得 , 若然係白色車 , 污糟後更加樣衰 .
過兩日洗完車會靚仔好多 .
不過好快又污糟番 , 所以全程只係洗過一次車 .
後面就係酒店 , 十勝幕別温泉グランヴィリオホテル
後側 . 用晒成個車位 , 比起以往租既車較長 .
車呔 .
好多細紋 , 正宗雪呔 .
車踏部份 , 最左係手掣 (Foot Brake) , 呢款腳踏手掣真係唔慣 .
呢排掣都冇郁過佢 .
車窗控制板 .
坐位前後柄 .
向後既掣 , 又係冇郁過佢 .
車尾部份 , 我摺起左後排坐位 , 本來帶左把尺去度尺寸 ,
不過帶錯左條短尺 , 只得40寸 , 遲D再影俾大家睇 .
最後一擊 , 酒店外貌 .
後記 : 依家講下部車既優點與缺點 .
先講優點 , 部車既車門手柄有粒掣 , 關門後只需按下就可以鎖車 ,
解鎖又係按呢粒掣 , 唔駛次次都拎條匙出黎按掣 , 夠晒方便 ,
呢個設計夠晒貼心 , 我好滿意 . ^_^ !!
仲有係車身高 , 上落車都好方便 , Yeah !!
另外由於係七人車 , 力水比較好 , 即使上斜依然應付有餘 , 勁 !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
輪到缺點 : 車尾掀門開關比較遲鈍 , 唔夠得心應手 , 呢樣要彈 .
另外就係頭先講果個手掣 , 設計在左腳位 , 試過太多次唔記得鬆開就行車 ,
行幾步個錶板就要Do ~ Do 聲咁通知 , 總算OK啦 . (呢個只屬個人問題)
最後就係大食油 , 今次全程入左四次油 , 合計 : 19316 Yen .
好彩油價 & 匯價都跌左 , 否則更加襟計 . >_< !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好喇 ~ 就介紹住咁多先 , 好快會再見到佢出現 .
有乜補充到時再講過 .
Bye Bye !
感謝 Man Wai 提供以上資料
Man Wai的網誌: http://1226manwai.blogspot.hk/
