14-3-2016（Mon）入院，傍晚做完檢查就諗呢晚晚飯同老公第二日帶飯，問老公想食咩?佢叫我揸主意。嗯，我呢樣唔食得，嗰樣唔食得，叫個清清地，一個中間啲，一個for老公食嘅啦。

咁我就要$72.00嘅瑤柱蛋白薑飯，$85.00嘅豉汁涼瓜排骨，同$75.00嘅菜遠炒牛肉。

老公嚟咗喇，三個餐都到，我哋打開先，老公先將牛肉同其中一碗飯，放入佢飯盒，然後我哋就開餐。

瑤柱蛋白薑飯，淡色就一定，

食落，只有薑嘅辣味，飯唔太乾，幾好。而以為呢個好清，原來唔係，食完見到都幾多油。
味道：2.8分， 抵食：1分

菜遠炒牛肉呢，

墊底嘅菜心唔多，

不過好甜，同口感適中。
味道：5分， 抵食：1分

而豉汁涼瓜排骨，

涼瓜甘，排骨腍但唔惹味。兩個小菜嘅白飯都軟熟同唔乾，比上次好啲。
味道：2.8分， 抵食：1分

夜晚，醫護人員幫我叫定16-3-2016（Wed）嘅早餐，我就叫$50.00粟米粥，豉油皇炒麵同熱奶茶。當日準時送到。

飲啖奶茶先有啲茶味，

我落半包糖飲，茶滑嘅但味道都係爭啲:粟米粥，

粟米算多，粥都棉，OK;炒麵唔深色，份量亦唔算多，

豉油亦唔多，但鹹淡適中，幾啱病人胃口。
味道：2.83分， 抵食：1分

等到夜晚要叫飯喇，我要$45.00o既時菜肉片湯米，送到嚟睇睇，肉片白雪雪，時菜係三條菜心，湯係分開裝，自己倒落去。

成個味道好清淡，菜心都唔太甜，米粉多。
味道：2.8分， 抵食：1分

而呢晚，老公叫咗$72.00楊州炒飯，$85.00沙爹金菇肥牛粉絲，大嫂要$75.00粟米肉片。老公食沙爹金菇肥牛粉絲，由於我要戒口，所以只黐食兩啖金菇，味道好夠，唔辣，幾好味。而楊州炒飯，佢係第二日帶飯嘅，見到都有蝦，佢俾啲叉燒粒我食，幾甜。而大嫂嘅粟米肉片呢，我冇食過，佢亦冇任何comment.

17-3-2016（Thur）朝，叫個$53.00嘅港式早餐,要炒蛋，豬柳漢堡扒，扎肉通，牛油餐包同熱好立克。叫咗要等45分鐘至到。

見到有好多嘢，係通粉還通粉，湯還湯咁分開裝，一盒就有炒蛋，豬柳漢堡扒同一片番茄。

先飲啖熱好立克，未加糖都已經夠甜；炒蛋唔係嫩滑炒蛋，亦冇調味，我唔加鹽喇，清淡啲吧。而豬柳漢堡扒就好夠味，撈返勻。而扎肉通粉呢?通粉細粒但滑；兩片扎肉有一厘米厚，裡面都有啲黑椒，口感同味道正常吧。
味道：3分， 抵食：1分

由於我想日日嚟睇我嘅家人喺喥食好啲，於是我就叫$45.00嘅千島熱狗下午茶，要凍好立克，5：00至送嚟。5：07終於到嚟，

千島熱狗好簡陋，

有生菜絲同洋蔥粒 ，洋蔥粒係生嘅，有小小辣，其實呢個熱狗都冇乜特別；而凍好立克就好夠味。
味道：3分， 抵食：0.5分

呢篇食評唔計我食少少同冇食過嘅食物。

============================================

感謝 愛食 提供以上資料

愛食 的網誌: http://www.openrice.com/zh/gourmet/reviews.htm?userid=46226&city=hongkong

============================================