8 佐敦卡夫卡變形記

前身的麻雀館，如果唔再做麻雀館，你會選擇做乜野生意。

就如那個作家卡夫卡發表於1915年的作品《變形記》中，職業為推銷員的主人翁一睡覺醒來，發現自己變成了一隻巨大的蟑螂的故事一樣，世事大約是你想不到的也可以發生。

這是卡夫卡最著名的一部寓言，也包含很多象徵意義，和許多不同的闡釋，人變成動物昆蟲可能是一個寓言，可能你冇想過，但的確世界上什麼事也有可能發生。

正如在三山五嶽的佐敦，你只來找到好多桑拿，麻雀館，那些大排檔等等，如果他們會變身成你想像不到的私房菜，會是什麼情況。

朋友告訴我在Openrice發現了一個任食好地方，看見幾個朋友吃完都會讚好，連女朋友的家人竟然也找到這個地方，係blog同OpenRice 睇睇，個個都讚好食又好平，於是一次朋友約食飯的地點就來了近期好hit 的一哥私房菜。

變身前的麻雀館可能是烏煙瘴氣，但這裡完全沒有給我這種感覺。上來的一刻，你只有覺得無限的乾淨和潔白，一個個房間，每個地方都有的電視，寬敞的枱和空間，你會覺得這一個地方前身絕對不會是一個雜亂無章的地方。

一個男人上來，是有點奇怪的，樓下有的是會令人誤會的地方，然而，行得正企得正，又有乜所謂。

無論點都好，上到黎後，你會發覺係另一個天空。

如果我告訴你，當刺身加上雞煲加上蟹鍋打邊爐再加海鮮套餐都是任食的話，都係每位＄258；星期五、六同假期前夕每位＄268，二位起就可以食呢個餐，唔駛要好多人一齊食先會有呢個價，你會唔會覺得好平同好抵先。

海鮮盤有8至11款海鮮，今晚的海鮮套餐有蟶子，鮑魚，象拔蚌，魷魚，去骨龍躉片，鯮魚片，生蝦和美國打邊爐生蠔，除了那個蟶子，鮑魚，象拔蚌和去骨龍躉片是不能任食外，其他都可以任叫任食。















泰式生蝦刺身加上泰式醬，給我良好的經驗，之後的火鍋更期待。



雞煲每枱都是任食的，那個醬汁的野性和辣都得我心，當然現今周街係雞煲，款款差唔多，你可能唔識分邊啲好食唔好食，但以任食的質素來計，雞件多又滑同幼嫩，加上那調味的感覺直逼附近有名的隨變雞煲，吃完半隻當然再加添一隻讓我們可以繼續食。





吃完雞煲，鮮茄蟹煲打邊爐才是主菜，多款丸類、雲吞水餃、炸響鈴、炸魚皮、粉麵烏冬、蔬菜也是任你食任你叫，最重要係平時你以為任食的德x稻乜任食也是普普通通，食物也是將貨就價，你就錯了，這裡的食物都是非常精彩而又好味的，特別是幾類的雲吞水餃和丸類，係沒有什麼特別期望下，這些食材都有著驚喜，至少比同區逐碟俾錢叫的那個水佬和牛皇更加出色。



























最重要湯底的蟹都是大大隻的，那個湯也不錯。

當然混醬也是少不免的。

還有汽水、涼茶也是無限添飲。如果你是好酒之人，特價啤酒＄10有3罐，藍妹、青島、Asahi啤酒也是＄10/罐，呢個價錢絕對不是普通火鍋地方能夠同佢比較。

牛頸脊是幾讚的另一個招點，其牛肉味濃到爆，輕輕幾秒就可把那鮮到爆的牛味放得入口，一碟仲要有十足十的份量，你又點會唔狂食呢？





只可惜呢個不是任食，不過追加的本地手切牛頸脊每碟都只是＄30，愛牛愛到癲的我們又怎會不追加呢。

不過，要注意的係有兩個收費，醬油＄10/位和前菜每枱＄20，我相信是你較為奇怪的一點吧，就算設加一每人係任食以外都是多幾十蚊的價錢，精打細算的你可能見多會話取巧，但講真，十元八塊又邊算多，何況此等項目係任食唔任食的火鍋都有，以呢度咁高質素的價錢，真係好值得。





如果咁樣，這章變形記的平均消費也是＄300，說實話，真係平絕全城，仲要不停的食雞煲邊爐牛肉刺身海鮮雞煲邊爐牛肉刺身海鮮雞煲邊爐牛肉刺身海鮮，飲埋酒都只是多少少，比起外邊幾間以牛肉海鮮為主貴得多，但係品質又差不多的話，我想你們也會想來試試章變形記的滋味吧。

一哥私房菜 Number One Kitchen

佐敦佐敦道28-28A號佐敦廣場2樓

============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================