悠悠又受偒了~~~~
前兩日明珠台重播卡通"美食風球"
咁諗住返去整個爆谷送卡通
悠悠又話要幫手喎...
因為之前好多朋友仔都對整爆谷有興趣,
所以我拎住電話,諗住拍底條片教大家整既
爆好左爆谷,我用牛油紙墊住,放係藤籃上
跟住煮焦糖啦
焦糖係非常之熱既,所以都有叫悠悠要企開小小,小心啲
但佢又好想尼煮喎..
咁我叫佢做件簡單啲既事啦
就係倒啲爆谷落去焦糖到
個傻豬一倒,倒瀉左一 半,我一邊拎住電話拍緊,
一邊又要即刻拌勻啲爆谷喎
點知..悠悠唔小心比張牛油紙沾到焦糖
跟住個啲焦糖先"辣"到我隻手
我即刻望到..想叫住佢個下
佢就比牛油紙上既焦糖"辣"到塊臉了
佢即刻大喊..嚇死我,我即刻拉佢去水喉到狂沖洗
唔理件衫都沖到濕晒,係唔沖係咁沖
跟住佢無咁痛就無喊
我再幫佢搽返啲藥膏
而家..無啦啦,整達啦....
之後要好好謢理,唔好留疤呢...
經過今次受傷,我同悠悠講,第日唔好入廚房煮野喇
點知佢話唔制,佢好中意煮野...
果然...做廚既都要有返啲傷痕先似樣架喇=_=
事後我先為意到自己隻手都忍忍作痛...
係喎..我都有"辣"親架...
