聖誕食左幾餐西餐,今日好想食中菜,好想食雞翼
煮乜野雞翼好呢?
想食酸酸甜甜既...但老公比較怕食檸檬味
好..咁試下煮橙汁
出街通常做法會係炸咗啲雞翼
再煮個橙汁淋面
但我自己就唔太中意依種做法
一來熱氣,二來我想雞翼入面有橙味
自己試做左個用橙汁尼炆既方法
買咗三個橙,一個切片,一個切粒,一個打汁
先煎香雞翼,用洋蔥爆鑊,加入切粒既橙
再加入橙汁,加少許生抽,老抽,糖
再放入雞翼,加啲水蓋過雞翼面
炆煮約15分鐘至汁杰身
不過依個做法有一樣野要改善
我覺得唔應該用橙打汁
因為有橙渣,出尼個餸會好肉酸
我再隔左啲渣,啲汁回鑊煮至杰身
再淋上雞翼上面
而切片既橙就用尼拌碟
做個時雞翼有啲橙味,但我覺得唔太夠
下次要買橙汁尼整,一來無渣,二來無個啲白色衣好啲
因為今次有小小苦味..
另外煮咗個豆苗,因為得兩個餸關係,
所以再加用蠔油煮啲本菇放上面
我幾中意食本菇,又滑又爽口,唔錯架 ^^
