9 同聚暢飲今晚夜

酒逢知己千杯少呢句話真的永不過時,這夜我跟車爸爸一同摸著酒杯底跟新知舊雨同聚暢飲今晚夜^0^先嗚謝Kan & Nelson無私奉獻美酒共嚐本來想帶酒到的我因怕飲不完被叫停了OKOK下次到我帶啦~

麻煩晒Kan安排了我們到好好肥牛雞煲店打邊爐,先話比大家知此家火鍋店性價比超高用料夠新鮮而且招呼超貼心呢^0^

火鍋配料價位由二十多元已有交易,其它食物全部都係開心價呢^0^

指定動作混咗醬先要多D辣椒多D辣椒正呀~辣媽姿態哼~

湯底係{瑤柱海味大芥菜鍋}$108煲蓋一開那芥菜香便衝入鼻子,湯底清甜充滿海味鮮甜簡單又好味~

飲酒梗係要食D香口嘢啦{汕頭魚片頭}$42,份量不少的魚片頭質感頗彈沒腥味送酒好物^0^

{極品手切本地新鮮肥牛}$288(大),牛肉嫣紅富光澤聽車爸爸評它肉質不錯牛味頗香濃,吃得他很滿足喔!!

{日本黑豚肉片}$88豚肉色澤粉嫩肥瘦均稱,肉香不算超香濃但肉質頗軟滑~

{蘇格蘭蟶子皇}$98一客有足足8隻每隻也肥美肉厚而且無沙,輕輕灼熟鮮甜彈牙好鬼C正呢~

{沙白蜆}$68一客起碼有斤半須然未係最肥美但也算好肉地而且鮮甜味十足呢~

{美國桶蠔}$138一上檯時大家也報以嘩聲,因為隻隻都真係很巨大呀!

灼熟後沒縮細多少蠔肉質感嫩嫩的而且味鮮沒帶酸很好吃呀^0^

{鮮肥鵝腸}$78我一看到附帶肥膏的鵝腸滿心歡喜,不過灼熟後須然新鮮爽口,但腸味不夠濃濃有點點失望呢!!還記得在常滿雞煲吃過那兒肥美的鵝腸至今也難忘呢!!

{雙拼滑}$78可在蝦滑,墨魚滑,鯪魚滑及鮮牛滑中任選兩款,前半筒係蝦滑質感彈牙亦有蝦味如果可以滑溜多些更加美妙,後半筒係墨魚滑咬口同樣出色墨魚挺香味道不錯~

{惹味韮菜餃}$58餃子皮滑溜非常餡料十分足秤,確冇改錯名名副其實係惹味韮菜餃haha~

打邊爐除咗個爐當然要正菜相隨啦,{西洋菜}$28,{皇帝菜}$38,{萵筍}$32,仲有漏影的{油麥菜}$28通通脆嫩好吃至一條不留呢^0^

{冰豆腐}$32最愛吃這款冰豆腐質感完全顛覆了豆腐的框框,灼熟後索盡湯底精華口感像綿花般鬆軟的冰豆腐真係令人好傾心架^0^

{日本稻庭烏冬}$38/兩個,當然知道係來貨啦但質素很不錯烏冬煙韌又滑捋捋都係美味又飽肚之選啊~還有鮮腐竹和炸魚皮漏咗影添真係貓貓哋喔!!

最後店方送上清香桂花糕及熱辣辣豆沙鍋餅兩款都可口非常多謝晒楊老闆^0^