2009年4月26日天陰有雨，今日出隊ge第一個目的地銀洲仔，由於之前多次都因為租用長洲艇家隻艇同技術問題，次次都上唔到岸要改線，所以社長今次特意找來平時只負責出東海的艇家幫手，銀洲仔係坪洲ge慧星小島，今次我係第2次上去，其實個島細細冇乜特別。
(1) 咁早就見到我哋嘅駁艇。
(4) 狗頭石。
(7) 各師各法各顯神通。
(10) 傻龜上水。
全綑完銀洲仔之後，就轉移過隔離個小交椅洲，去睇吓依度出名ge交椅魔宮，喺沙灘上之後岸綑咗一段，就要過險位，在大家互相幫忙之下，好不容易先過咗去，但由於水還未退盡，交椅魔宮就只能睇到一半，依個時候亦都落起雨黎，本來就地上駁艇未好囉，點知社長又話要全綑小交椅洲，結果要闖林過斷位，不過最無謂ge就係淋住雨闖完林過對面之後(個個又變咗做泥鴨)，社長就話上大船......真係比佢吹脹。
(11) 小交椅洲 (恐龍蛋)。
(14) 落雨濕濕都要闖林。
(19) 龜板岩...............用黎整龜靈糕就一流。
(23) 排住坐.....坐落去睇交椅魔宮。
(29) 小交椅洲 - 交椅魔宮。
(30) 依張就係傳說中ge大交椅啦 !
(31) 青蛙石。
(33) 睇完魔宮又要爬返回頭路去闖林過對岸。
(34)
睇吓時間只係13:00左右，一心已為可以盡掃大交椅洲ge鎮海石 (因為依幾年攪親依條線都係上唔到岸)，點知因為水退後d蕉石太多，駁艇埋唔到岸，結果去了島的另一面睇................鬼面岩，不過都算啦，事關我都未去過。
(36) 勇往直前。
(37) 巨人上岸。
(38) 大交椅洲 (鎮海石).......今次都係無緣上岸。
(42) 石藏神秘老虎牙。
由於今日整天都落住雨，加上社長今晚要去旅聯聚餐，結果大船再繞住大交椅洲一轉之後就回程喇(大家心照啦)，返到黎尖咀碼頭散隊ge時間真係早到未試過.................15:40PM，真係蝕晒水呀。
~~~~~~~~~~ 完 ~~~~~~~~~~
吃喝玩樂
自得廚樂
我要遊花園
人影我影
我要嘆世界
九唔搭八
世界那麼大
食得招積
閒人閒事
擁抱大自然 - 離島篇
擁抱大自然 - 西貢篇
擁抱大自然 - 港島篇
擁抱大自然 - 新界篇
擁抱大自然 - 九龍篇
山外有山
古你唔到
累積瀏覽 490454
全部攻略 627
全部回應 529
