罕見海鮮半放題

睇到網上有編報導話呢度有蒸海鮮嘅半放題，計返平時係潮福食開都要6百幾蚊，＄338位這個價錢的確相當吸引，在很多CAFE 的登打士廣場後面，其實容易搵到，不過感覺門面不夠大方，像舊式酒樓，不過據OPENRICE顯示這裡的前身的確是酒樓，感覺店家是銳意把整個集團變成蒸海鮮王國。

其實內籠無乜特別改變，還是像殘舊的酒樓一樣，只是大家都只看重蒸海鮮所以沒在意～

調味的地方還是有的～不過那個像鼓油罌的不太美觀

就是這個半放題的海鮮餐了～

對於一眾酒鬼來說真的頗吸引，啤酒任飲呢～

我們沒想到的是這裡的竹蔗水竟然這樣大支！實在太抵了～而且味道唔錯，有蔗嘅味道，因為好多時要應付咁多客量嘅放題，咁大支應該會變糖水多～

呢個海鮮餐係包一人一碗滋潤燉湯，我叫左嘅係雲腿粒冬瓜燉螺肉

我就唔係好見到雲腿勒.... 不過個湯都尚算清甜

同埋呢... 我見覺得呢個似係蜆肉多過係螺肉... 好味，但有呃鬼嘅成份喎～

突然我明明無叫過有龍蝦嘅，點解會有呢？答案係因為我地早一日book，所以店家就送左每人半隻嘅龍蝦俾我地～ 咁book枱嗰時又無講喎，搞到好似意外驚喜咁～哇卡卡

海鮮係煮嘅過程同時間掌握得好，其實係唔會有難食嘅海鮮，除非唔新鮮～呢半隻嘅龍蝦嘅蝦肉白滑又嫩，送嚟講都算唔錯，蒜味又唔太濃，食到龍蝦蝦肉嘅鮮甜

蟶子皇上其實煮完之後唔算太大，不過一個價錢包哂你又唔可以太過苛求，上面嘅蒜蓉同粉絲其實唔入味，而且明明按照個時間去煮，都覺得肉身有點韌，唔知係乜野原因～

令人有點驚喜的是美國石蠔，我覺得有啲奇怪嘅係放左啲薑同䓤上去做調味

不過真係好大隻，個石蠔殼有我隻手掌咁大呢！！！！ 蠔肉有一半都算係BONUS

煮完之後其實我覺得味道麻麻，無乜鮮味，而且蠔肉邊有啲韌，好似有啲似食香口膠～

生猛肉蟹其實兩個人加埋都係得一隻，辛苦廚師要將一雙唔多大嘅蟹斬成6舊，哈！而且蟹肉唔甜，仲有啲苦，其他部份嘅蟹肉亦唔多～ 

姍姍來遲嘅係呢個貝殼盛盆，因為我地得兩個人，好明顯係同相係有啲出入～

馬刀貝同大蜆都係有，不過肉質無之前單叫嘅白沙同蕃薯蜆般鮮甜，而且肉質有點老，口感不太好。

我自己就比較鍾意呢隻大連鮑魚，佢嘅肉質好結實，無乜嫩口嘅口感，意見係加蟲草花無乜意義，因為太短時間食唔到蟲草花嘅味道，加薑話辟腥都仲合理～

呢度嘅蟲草花蒸雞件算係幾好食，因為雞夠嫩，而且蟲草花嘅甜味都入到啲雞度，不過雞無乜肉，好似食來食去都係骨比較多～

勝瓜唔當造嘅季節，吃勝瓜是件絕對苦事，平常在這裡點這道菜要＄88 ，但因為放題所以任叫，不過建議大家還是不要叫，我可是相當後悔，下次還是叫甜粟米好了，起碼不甜的時候還可以投訴一下。

男友極度推介這裡的荷葉飯，感覺有點像去了酒樓的感覺

翻開荷葉後，不要以為是像酒樓般黏而結實的，這裡完全是散掉，非常乾身，除了吃到近乎飯焦的糯米外，還有一粒粒蝦米，男友喜歡的就是它乾身又香口，各花入各眼。

呢度嘅排骨粥總係會加啲南瓜落去令到成碗野都係金黃色～

我幾鍾意啲粥仲食到一粒粒嘅飯，有少少潮洲粥嘅滋味～而且今次由於放題多海鮮，所以更多嘅海鮮鮮味落左入去，所以呢碗粥比之前食嗰幾次都有鮮味～當然，我覺得還是把海鮮放進粥底一起煮才真的好吃～

總括嚟講，其實仲有醬油花生又要加大家＄15，再另收加一服務費，最後實收＄388，海鮮質素其實唔算高，但係有得食咁多海鮮，其他野任食，仲要任飲！其實呢個價錢嘅性價比算係好高～如果未食過蒸海鮮嘅朋友不妨一試。
題外話 / 補充資料
我覺得呢度個服務都算唔錯，我同男友講可能呢度以前拍哂蚊，突然多左咁多客，所以大家都好落力啊～

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================