情人節如何不被餐廳搶錢中渡過? 就是吃一點「佬味」較重亦不甚浪漫的東西部－－－ 雞煲～ 我這天可算是特地而來，因為朋友多番推薦這家雞煲，還要叫我一定要預訂腸粉，我心想：只是腸粉而已啊～有什麼特別，於是就打算打電話BOOK枱，誰知電話經常沒有人聽～結果我只好6時便來到這裡等它開門～ 

這家店是在富安花園的巴士站走進大水坑村近河的中盡頭～ 

幸好～因為早來，還有一張二人枱剩，真的早起的鳥兒有蟲吃～

大家看到天還沒黑，就知道要多早來才有位～其實這裡一邊是卡座，一邊則是給予大伙人訂枱的～店舖就像600 ～700呎的屋村單位～

海鮮要預訂才有～其他的可以即時落單的～

等了十多分鐘～傳說中的雞煲終於來了！ 我們點了小辣～

我個人應為其實沒有一品那種追吃的感覺～

呢度嘅雞算係唔錯，應該係用左鮮雞～無一陣雪味～唔會太老又唔鞋口～

朋友叮嚀我這裡的雲吞或者水餃特別好吃，一定要吃也很快賣完，所以要留～52元只有5粒而已～成十蚊粒架～

好明顯煮熟左之後，其實唔係縮左好多水～ 果然係雲吞皇！

蝦身相當爽口～皮又薄～完全唔會有陣「UP」味～好推介大家～

呢度有另一樣好，就係好多餸都有雙併揀，啱哂我呢啲眼闊肚窄嘅人～ 我特登將水魷拼左一樣平事好少見嘅棉花魚肚～ 
水魷其實只要係處理得好就一定爽口～呢度其實唔錯～無煮完會變淋嘅水魷～

唯一叫做係海鮮嘅係呢碟美國桶蠔！每隻都成隻手掌咁大，成25蚊隻都真係有返咁上下水準，唔呃人～

煮左5分鐘，都係覺得唔會好有熟透嘅感覺，因為實在太肥美了！ 

不過個人喜好係，我覺得細返少少好，比較容易啲控制個熟嘅程度～

跟住就係呢度嘅陣店之寶－－ 第壹手拉腸粉啦！ 又係溫馨提示大家，真係一定要留！廿蚊JAR，但真係好好食啊～

完全無諗過，滲入雞汁之後，真係好好味～就連我最鍾意嘅烏冬都比唔上啊～腸粉又真係好滑，熱辣辣咁入口，唔係平時炒腸粉嘅口感～ 

男友話不得不吃的是這裡的新鮮手切本地肥牛，單看紋理就知脂肪比例均勻，我地得兩個人叫左個細嘅～但係我地都係夾硬食～因為吃得太多野了～

入口未至於入口即溶，但係肉味濃，肉質緊緻但唔會太多纖維好韌，所以其實嚟呢度，真係約多幾個FD好啲，因為水準嘅材料好多，我都未來得及試哂～

總括來講，其實雞煲唔係算好驚為天人，但係其他嘅材料就相當驚喜，所以如果住係附近，我會嚟買左啲餸嘅返屋企打邊爐囉～WHAKAKKA 

============================================

感謝 Jackiess 提供以上資料

Jackiess 的網誌: http://www.openrice.com/zh/gourmet/reviews.htm?userid=151264&city=hongkong

============================================