路端燒肉，步驟就跟另一半建立關係一樣

男人追求女人嘅過程，既要貼心，但不可以逼得太近，同路端燒一樣，要依照步驟，例如將豬肉放係側邊，因為油脂較多，放喺中間好容易搶火，牛肉就要放中間，火力較大鎖住肉汁，千萬唔可以一次過落太多，稍不留神照顧不下，食材就會浪費。

燒肉刺身任食、半開放式空間、二百蚊左右、尖沙咀
友人知道我心意，特別介紹比我，轉個頭就馬上book枱！餐廳就係尖沙咀赫德道一幢新興大廈中，裏面人氣餐廳都不少，今日就選戰伊賀日本燒肉美。香港最不缺嘅就係餐廳，人氣、傳統、香港小食、中西匯聚，行出街或者開openrice都會搵到！

餐廳位於三樓，大廈設計出半開放式位置，有利於燒肉餐廳，可減輕油煙感！book時可以講要炭火爐，可以坐2-4位，香港中比較少這樣的餐廳，風味不錯。如果人比較多，亦可坐室內，一邊卡位，一張最多容納8人，適合聚會，另一面用U形設計，坐高枱有啲似酒吧中，2位用一個爐，餐廳位置實用，早幾日book枱都可以！

店家選用備長炭，備長炭是日本的一種木炭，源自於江戶時代，開始製作這種木炭。備長炭使用了現成和歌山縣官方樹木的橡木作原材料，以高溫蒸燒製作而成。外觀上有一層泛銀白的灰色，炭化溫度約攝氏一千度以上，可維持長時間，有多個用途，最重要係燃燒時唔會釋出大煙！

聽說到：愛情保鮮期，只保持三個月至半年，當大家熱情過後，好容易就會分手。如果愛情可以好似炭火咁，有熊熊烈火、長時間燃起愛火。

餐廳中用了很多日本少擺設，令餐廳有啲似日本電影劇中，學生們放學後去聚會個種，餐廳燈光比較暗，讓食客輕鬆用餐，晚市燒食放題星期一至四 6:00入坐為$228/位，亦有午市套餐$58-68，可惜當日酒精飲品全都售罄，如果可以飲燒酒，一邊食燒肉咁就好啦！

坐一陣，刺身船就送到，餐廳會先為每位食客安排刺身船及燒肉作頭盤，當食客坐滿餐廳，你會見到每枱都有刺身船停泊，睇嚟大家都係個"好碼頭"，船上乘客有肥美三文魚、精瑩甜蝦、彈牙鮑片等，讓食客一覽店家的各樣美點。

漆黑中嘅酸薑，好似紅紅的火焰冷艷，夾起舞動一下，他為我獨自表演。

一出電梯，店員就好快帶領我哋到坐位，室外裝上很多風扇，令食客涼快空氣流通，可望岀赫徳道街上行人，感覺開揚。時間上早，位置有好多，每位都有平板電腦用作點餐，坐出面都唔怕比店員忽略。

點餐方面，有別於其他放題店，落一件就係一件，其實更方便食客按自己份量點餐，減少做成浪費，對只有兩位嘅食客嚟講都好方便，十分支持！

燒肉有豬、牛、羊、雞、香腸等，款式足夠食客選擇！講到日式燒肉，主要諗到食和牛，一口牛、薄切