10 【親子好去處】數碼港 硬蛋INGDAN 硬蛋香港體驗館

其他精選好去處  http://kimfamilytravel.blogspot.hk

復活節第一弹去完迪士尼花蛋節之後, 雖然未到復活節正假, 但我已經提早放假同小朋友去玩

今次復活節第二弹之旅嚟到數碼港硬蛋香港體驗館

---

跟住指示牌向住F座行

比較少入數碼港, 所以突然變咗個大鄉里, 剩係搭Lift一時唔為意, 搵唔到個掣去撳!

好在只係停頓咗一秒就諗番起要先在這按下樓層, 然後等Lift到!

Lift裡面係唔會有樓層掣, 只係開關掣Only

上到8/F一開Lift門就會見到硬蛋體驗館

離遠已經見到有隻機械人歡迎你, 門口都有硬蛋既Logo射在地上

因為今日唔係假期所以一個人都冇, 只有3個職員在這行行企企

喺未諗到應該由邊度開始行起, 前面有部大屏幕已經將你個樣拍低...

跟住掃描你個樣睇吓你既顏值有幾高! 哈哈

呢個歡迎模式超攪笑, 電腦計算結果話我今日魅力排名No.2喎

帥過72%用戶, 最下面仲顯示出你最似那個明星!

(但係我未知咩事囉, 攪到我個樣掹大個口得個窿)

芊芊都被拍了下來, 噢! 只係得第四, 果然冇我既遺傳, 似媽咪....Heheheee

哥哥似發哥! 係真唔係呀! 睇睇吓又有D似喎....但係最驚訝都唔係呢樣

我工人姐姐都玩埋一份.....咪住先, 大佬!!!!! 佢似陳妍希? 嘩, 咁你即係話陳妍希似印尼人

都唔知係我工人姐姐開心定係陳妍希傷心囉....

放心, 大家若果到時唔滿意可以再俾電腦Scan過, 但係確實係一個幾Ice Breaking既科技

(當我哋將離開時有一班打工仔食飯時間嚟玩咗陣, 成班朋友玩嗰陣真係堅開心)

喺哥哥玩緊第二樣嘢既時侯, 芊芊繼續留低被電腦掃描自己顏值!

唔同佢知道自己好低分....想攞No.1!

跟住就周圍睇吓, 多數都係用App控制既家居智能科技

呢度放咗好多虛擬實境體驗既眼罩! 亦係呢度最好玩既地方

呢度有兩個蛋型既坐位, 坐上去戴上眼罩就可以玩!

職員姐姐應該揀咗個冇咁驚既場景俾哥哥, 但係見佢上去玩個頭周圍擰真係笑死我哋, 

之後我同工人都玩咗一次, 真係好好玩! 好似玩緊真既過山車咁 ? , 好刺激!

唔知係咪職員姐姐整蠱我, 揀咗個好驚好驚既俾我玩, 我不停同自己講我只係坐喺度催眠自己先知冇咁驚!

之後哥哥仲玩咗兩次, 揀咗唔同場景! 玩到個人都傻吓傻吓, 玩完即刻離開張櫈, 都唔知佢驚定唔驚!

第三次玩話見到D嘢但係唔話俾我聽係咩....

玩完先講話見到有個女仔好醜樣...唉!

但係真係爽, 好好玩! 最緊要係唔駛錢唔駛排隊!!!! 我諗如果平時唔知邊度有開放日或商場試玩, 可能排隊排半日先有得玩(呢個當然唔啱呀芊玩啦)

頭先一入門口既機械人原來唔識郁既, 只係企喺度接待你俾你拎番本場刊!

原來硬蛋係一個國內朋友投資, 專門代理一些新科技產品! 呢度就似一個Show Room

跟住哥哥見到有個琴又走去彈! ? 原來佢唔單止係一部普通鋼琴, 而係連接住iPad App ?

好似以前打機玩拍子Game一樣, 開住個App揀你想要既歌, 然後佢就會進入畫面有好多拍子向下跌, 如果彈中就Great或Perfect, 唔中就Missed...等 ? ? ?

其實大家都玩過應該知我講咩啦! 如果你認自己係八十後

仲有一D實體控制器配合App的遊戲, 最右邊個把機關槍 ? 連接iPad App? 打喪屍 ? 最吸引

我覺得自己嚟咗機舖似過甚麼高科技體驗館

呢邊就有D for老人家既高科技產品, 我冇詳細聽職員解釋, 只係知佢唔同平安鐘! 再勁D

芊芊見到公仔又拎上手攬攬!

嚟到呢隻跳舞機械人啦, 喺硬蛋個專頁可以成日見到, 佢係一隻識跳舞既機械人

佢可以跟住音樂跳舞, 自己編寫佢既舞步!

不過我就覺得作用少咗D, 我起初以為佢識做好多嘢! 因為機械人唔係D咩新鮮事

如果只係識跳舞功用好似比較少!

鏡頭一轉哥哥已經又玩緊另外一樣嘢啦! 我唔知佢正確學名叫咩, 我叫佢「體感電動車」

哥哥起初都要少少時間去適應(包括我)

之後佢好快掌握到就自己玩起上嚟, 識得快識得慢落嚟, 我就喺側邊睇到提心吊膽

因為我最驚佢撞爛人哋D嘢!!!

我最後覺得有D肚餓, 望一望隻錶先知道原來我哋已經喺度玩咗成差唔多兩粒鐘!

跟住職員姐姐仲喺我哋臨走前送咗兩份紀念品俾我哋! 係一幅自製卡紙VR眼鏡

呢個免費活動真係冇得頂! 就算真係要我請一日假平日嚟都願

真係誠意推介!!! 唔去對唔住自己

最尾我哋行番落去商場食D嘢就搭車番屋企lu!

番到屋企之後我哋拆開硬蛋姐姐送俾我哋既紀念品

睇住個教學一步一步咁砌咗幅VR眼鏡出嚟

http://mp.weixin.qq.com/s?__biz=MjM5Mzc1Mzk5Ng==&mid=401525969&idx=1&sn=3a9aa644a8c2d1da7a8cdc54e9725b44&scene=1&srcid=0201VoQCqrESGzGBE5I8NsRx&from=groupmessage&isappinstalled=0#wechat_redirect

跟住以下步驟安裝APP，再將iPhone放係自製眼鏡內就可以體驗360度虛擬實境