![前家樂餐廳火鍋店的相片 - 大角咀)]()
突然雞煲引起，當日晏晝book好枱，夜晚七點就嚟到，可能就到夏天嘅關係，食客未算好多，入到餐廳，店長見到我哋就講：原來係你地！對，我同朋友已經各自嚟過四五次，老闆都認得，仲記得晒我哋朋友嘅名！
![前家樂餐廳火鍋店的相片 - 大角咀)]()
前家樂嘅老闆，不時會同食客傾計，add埋大家Facebook，post合照，有一次我同兩位朋友，三個人食咗兩隻雞，破咗餐廳紀錄 哈哈。入到餐廳，由左至右都係坐位，地方實用，可以容納好多客人，適合大型聚會！餐廳光猛，兩邊都有電視，一路睇一路嘆雞煲，洗手間都好乾淨企理，覺得整體環境都唔錯。
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
除咗雞煲仲有燒魚煲，有沙巴龍躉、鯇魚及桂花魚，約$188起，雞煲有麻辣、芝士、香辣雞蟹煲及花雕醉雞，半隻$138起，一隻$238起，不時會推出新口味！而火鍋配料選擇好多，將點菜紙都填得滿滿，特級配料靚肥牛，海鮮丸類蔬菜任君選擇。
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
今日嚟到，主要係食芝士雞煲，雖然同行朋友已經食過，但都想再食多次！坐低就即刻嗌半隻，就睇下有啲咩來頭！見每枱都準備好火爐，餐具及餐牌，紙巾座位都有岩哂我唔怕整污糟，飲品主要都係樽裝涼茶或罐裝汽水，就點兩支竹筍茅根降降火。
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
等左一陣，芝士鍋就送上香噴噴的，再加熱一下就可以，之後可以教到最細火或熄火，因為芝士會令鍋容易痴底，食之前再撈勻，令到每件雞肉表面都黏滿芝士，夾起是非常連絲，因為鍋中用上四款不同芝士，經過店家反覆測試，就成為美味芝士雞煲，依家都令我回味！
![前家樂餐廳火鍋店的相片 - 大角咀)]()
芝士雞煲 $158/半隻
![前家樂餐廳火鍋店的相片 - 大角咀)]()
因為芝士會容易燒焦，所以及早熄亦令火雞肉非常嫩滑，店家選用啖啖肉雞肉，令人食得特別滿足！
![芝士雞煲 - 大角咀的前家樂餐廳火鍋店)]( "芝士雞煲")
加熱焗一焗之後，上面嘅指芝士就溶化，覆蓋着每一個雞肉，煲中仲有洋蔥芹菜，聽落簡單嘅芝士煲，其實雞件都會經過特別醃製調味，才可跟芝士互相配合。下面嘅相片可以見到雞肉都仲好嫩，芝士都滲入雞肉，而且雞肉脂肪唔多，兩個人食半都唔太膩。
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
我總有幾個麻甩型好友，一講到出嚟食飯，都離唔開街邊店，係香港咩天氣都會打邊爐，雞煲更加係我哋最愛，對愛食雞嘅朋友嚟講，係近年最好嘅發明之一！更試過一星期食足四日辣雞鍋。另外，韓流除咗帶來Oppa、K-pop、女神，仲為好多菜式添加了"芝"味，係芝士個芝，好味個味！
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
洋蔥炒過後變得柔軟，再加上一啲金黃色芝士，香氣十足，我都一一食清光，之後再加上上湯，就繼續打邊爐。
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
再點咗優質雪花肥牛、芝士竹輪、芫荽、烏冬、娃娃菜，分量都夠我哋食到飽一飽！平時會到最後先嗌個烏冬，但呢幾次都食得太多配料，無食到最愛嘅烏冬，所以今次就一早嗌個烏冬放喺枱面，一定食到啦！
![前家樂餐廳火鍋店的相片 - 大角咀)]()
芝士竹輪 $48
嚟前家樂必點嘅芝士竹輪，冇乜餐廳有得食，令鍾意食芝士丸嘅朋友有多一個選擇，呢個即係獅子狗裏面有滿滿嘅芝士漿，咬落唔小心就會比佢辣親，我會用筷子夾住一邊，再咬開一小口，先試下芝士有幾濃味，而且獅子狗唔會太厚，覺得口感比較好！芝士又唔會咁杰，食多幾粒都唔怕。
![芝士竹輪 - 大角咀的前家樂餐廳火鍋店)]( "芝士竹輪")
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
優質雪花肥牛 $158
牛肉非常粉嫩，紋理好靚脂肪分佈平均，肉身帶有點厚度，將肥牛快灼幾下就可以，食落好滑身脂肪唔多，喜歡半熟的程度，有啲似食越南餐生牛肉河，牛味亦相對濃郁！
![優質雪花肥牛 - 大角咀的前家樂餐廳火鍋店)]( "優質雪花肥牛")
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
芫荽 $20 、娃娃菜 $20
朋友點芫荽，鐘意佢嘅香味，我就食娃娃菜，菜都洗得幾乾淨，份量就可以再多啲，諗諗吓，如果點南瓜或者西蘭花都應該幾夾！
另外餐廳氣氛都唔錯，我哋經常落單或者要加湯，佢哋都好快幫到食客，雞煲亦新鮮即嗌即做，亦唔會有漏單嘅情況，試過幾次打黎book枱都一定有人接聽，所以係我食雞煲嘅首選餐廳！
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
烏冬 $38
鐘意打邊爐嘅朋友都知，識食一定食烏冬，我仲有一個習慣，就係火鍋裏面嘅水唔可以多，否則味道就無咁好，令到烏冬都索晒濃濃嘅湯底！近年都比較鍾意食急凍烏冬，貪佢煮都幾耐都仲好彈，配合湯底更好食！我哋就將烏冬分開一半煮，一個淨係落芝士煲煮，另一半就加秘製辣椒油，兩款同樣惹味！
![前家樂餐廳火鍋店的相片 - 大角咀)]()
![前家樂餐廳火鍋店的相片 - 大角咀)]()
![烏冬 - 大角咀的前家樂餐廳火鍋店)]( "烏冬")
我就係呢種比較麻甩嘅女生，得閑就宅係屋企煲下電視劇，同朋友隨便食咩都好，都緊要大家見面，一遇到好似放題燒肉或者芝士，就好似餓狼咁，可能男仔叫做都有啲驚！最好有得飲啲啤酒，絕對唔怕第二朝水腫，哈哈，打扮都離唔開長牛仔褲，可能同其他女仔唔同，我哋唔會成日自拍，但係我哋這友情好真，無咁多是非事，生活隨意簡單。
平均消費$275/位，2位，半隻雞煲+2份小食就+1份靚牛肉+1個烏冬+2份蔬菜＋4支飲品
平時細食啲，大約180蚊位埋單
前家樂餐廳火鍋店 Happy Family Restautant
星期一至日: 17:30-02:00
大角咀埃華街119號地下
Tel: 3486 6286
![前家樂餐廳火鍋店的相片 - 大角咀)]()
============================================
感謝 mohkc 提供以上資料
mohkc 的網誌: http://www.openrice.com/zh/gourmet/reviews.htm?userid=717759&city=hongkong
============================================
前家樂餐廳火鍋店 (原名 漁民樂烤魚雞煲專門店)
「吞pot雞煲。住家菜」
潮福蒸氣火鍋(深水埗店)
澳門台山水佬榮火鍋專家
鍋心 Dimsum & Hotpot Specialists
美滋鍋
同人鍋
菜菜鍋 Shabu Sai