2016 EASTER 山陽四國賞花淺度遊 DAY 2 PART 1@ 原爆遺址, 廣島和平紀念公園

第二天我們預訂了廣島市 + 宮島一天遊, 
早上乘市電前先買 ONE DAY PASS, 840 YEN 包括了市電任坐及往宮島的渡輪
對於打算去埋宮島O既我們呢個PASS都幾抵用





第一站我地去廣島原爆遺址, 市電落車即達



以往只係睇教科書睇有關廣島原爆o既事跡, 
A level 讀 History o既敗家媽媽對於呢段歷史睇過無數次, 
美國o係廣島同長崎投下o既呢兩枚原子彈間接終止左WWII, 
我對投在廣島o既"Little Boy" 都幾深印象



但睇書o既叙述遠不及親眼見震憾
睇書只會從歷史角度分析事件, 
但親眼睇會有唔同感覺, 一種從"人" o既角度o既視界



對於小齊o黎講呢段歷史當然又陌生又遙遠, 
但睇歷史同呢D 遺跡最重要就係以史為鑑, 流傳後世, 
今日佢唔明, 他日佢有機會讀到可能就會從記憶匣子回憶呢日o既見聞



沿河我地行到和平紀念公園






今年場趕上了櫻花季, 呢度o既櫻花開左50%左右






小齊執起掉下果d, 



色澤偏白
但路旁有d係粉紅色o既









帶埋小齊我地o黎到原爆資料館
講真, 小齊睇到d 展品係有d 情緒不安, 
為免引起大家不安我都係唔貼呢d相, 
坦白講我都冇乜影, 睇完我都有d 唔安樂



唯一係呢張相, 真係覺得太震憾, 



戰爭到最後傷痛是兒童...
呢d 資料真係要留o黎警醒當權者
戰爭太可怕... 
雖然小齊年紀細, 但我肯定今次同佢o黎呢度對佢係有d影響



簽署反核 petition



參觀過後, 放下沉重心情我地出返公園賞櫻花, 
我諗我都算係第一次撞正日本櫻花季o黎賞花, 
放眼望周圍一撮撮粉紅色, 有種溫馨o既感覺





















好多日本人同我地一樣o黎賞花, 
佢地仲拎埋o野食o黎野餐, 
櫻花樹下picnic 真寫意






下一站會去宮島
相多待續~


小小後記: 參觀之後幾日, 我地去到一個地方叫小齊許願, 
小齊話佢許左4個願望, 其中3個同我地家人有關,
最尾一個居然係世界和平, (我以為佢多數許願要玩具), 
都有d估佢唔到, 睇o黎資料館一行佢都印象深刻
誰說不要帶小朋友去旅行?! 
認識歷史, 增廣見聞, 有時唔係睇睇書可以領悟到...


其他有關山陽四國賞花淺度遊文章:

2016 EASTER 山陽四國賞花淺度遊 DAY 1 @ TOKYU HANDS, 紙屋町

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================