美心西餅 Maxim's Cake Shop：純珍‧芒果雪芳蛋糕

又要前文提要一下，話說同一大班細胞小組組員參加完運動會，嚟到長沙灣廣場嘅潮濠城飲茶食點心，順道慶祝3、4月嘅生日之星，仲打孖預備咗兩個細蛋糕為佢哋慶祝，其中一個喺美心新出嘅「珍‧芒果雪芳蛋糕」（$128）。


官網截圖 對比起Express Bar by Lassana嘅焦糖朱古力慕絲蛋糕，依個芒果雪芳蛋糕外表順滑流線，簡單以厚切芒果作餅面裝飾，明顯走簡約、清純嘅路線。如果有留意美心嘅朋友，都發現佢哋嘅芒果系蛋糕年年都梗有三幾款新品，可謂做到層出不窮。

以雪芳蛋糕配芒果忌廉，中層再夾入一截芒果果凍，絕對喺無甚花巧嘅製作，能否突圍就要睇質素。雪芳蛋糕部分比海綿蛋糕口感挺實，所以，有啲飽肚感架，卻芳香富牛油味，忌廉亦打得幼滑非常，帶有芒果清香味，而芒果果肉清甜好食。綜合而言，都喺上佳穩打之作。

雖然依個新品無乜帶嚟太大驚喜，屬美心一貫穩打穩紮嘅水平，但仍然喺令人食得滋味！
個人評分
味道：7/10 環境：-/10
服務：-/10
抵食：-/10
平均每人消費：HK$22（以6個人分享計）
餐廳資料：
美心西餅 Maxim's Cake Shop
荔枝角港鐵荔枝角站LCK 2號舖
2744 2355

=============================================

感謝 山區麵包王 提供以上資料

山區麵包王的網誌: http://garycwm.blogspot.hk/

=============================================